Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چینی خارجہ افسر:حالات کجھ وی ہون، سی پیک ڈکیا نہیں جا سکدا۔سائیوال چین توں اگے۔چینْ مخالفاں نوں سنیہا

چینی خارجہ افسر:حالات کجھ وی ہون، سی پیک ڈکیا نہیں جا سکدا۔سائیوال چین توں اگے۔چینْ مخالفاں نوں سنیہا

وچار ڈیسک
November 3rd, 2017

میڈیا کنج خبراں دا رنگ وگاڑدا ہے ایس بارے ہشیار پاکستانی میڈیا دی چینی خارجہ افسر دے بیان دی رپورٹنگ۔ چین دی خارجہ وزارت دے ایشیا لئی ڈپٹی ڈویژن افسر لیو پنگفائی پاکستانی میڈیائی بلاریاں نوں ہک بریفنگ دتی۔انہاں نوں ایہہ آکھنا پیا پئی سنئیر دوست ہون پاروں چین پاکستان توں چاہندا ہے پئی اوہ ایس موقعے توں ہر قیمت فیدہ چکے۔کیہہ ایس جملے دا مطلب ایہہ ہے پئی کجھ طاقتاں پاکستان نوں سی پیک توں پراں کرنا چاہندیاں نیں؟ اپنی بریفنگ وچ انہاں سی پیک پراجیکٹاں دی رفتار نوں چنگا آکھیا اتے خصوصی طور تے کوئلے دے سائیوال پراجیکٹ نوں ایک ودی مثال قرار دتا۔پر پاکستانی ہشیار انگریزی میڈیا ایس گل نوں سرخیاں وچ نہ رلتی کیتا۔ لیو ہوراں ااکھیا پئی جس تیزیاں نال سائیوال پراجیکٹ مکمل ہویا ہے ایس نے تے چین نوں وی پچھے چھڈ دتا ہے۔انہاں دسیا پئی50 وچوں18ارب ڈالراں دے منصوبیاں وچ کم شروع ہے اتے اساں کم دی رفتاراں توں خش ہاں۔پالستان وچ انفراسٹکچر پاروں کجھ اوکڑاں نیں اتے جے اوہ دورہو جاون تاں بہوں سارے نویں منصوبے وی شروع ہو سکدے نیں۔حالات کجھ وی ہو جاون اساں سی پیک تے کم ڈکاں گے نہیں۔اینج جاپدا ہے پئی پاکستان اتے ایس توں باہر چالو سی پیک مخالف لابیاں بارے انہاں نوں پوری خبر ہے اتے ایس سنیہے پارون انان مخالفاں نوں جٹکی گل سمجھائی ہے۔انہان ایہہ تک آکھ دتا پئی چین دیاپاکستان دی اندر تے باہر لے حالاتاں ول پورا دھیان جے۔اساں جاندے ہاں پئی سی پیک خلاف مہماں چل رہیاں نیں پر سانوں ایس دا ڈر نہیں کیونجے اساں اپنا کم کرنا جاندے ہاں اتے ایہہ پروجیکٹ پاکستان تے چین دوناں دے مفاداں وچ ہے۔اساں کم نوں ہور تیز کرنا چاہندے ہاں۔ گوادر ائیرپورٹ اتے ایکسپریس وے(سڑک) دے پراجیکٹاں تے کم ایسے سال شروع ہو جائے گا۔اک سوال دے جواب وچ انہاں آکھیا پئی کشمیر تے ساڈا سٹینڈ سب نوں پتہ ہے اتے گل بات نال ہی ایس دا حل نکلے گا۔ حیران نہ ہونا، بھارتی میڈیا اک پاسے سی پیک خلاف خبراں چھاپدا ہے تے دوجے پاسے پاکستان وچ وی اجہے گھٹ نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels