Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> تیل فیر مہنگا ہو جائے گا۔ایل این جی ہی وڈا آسرا ہے مگر۔۔۔

تیل فیر مہنگا ہو جائے گا۔ایل این جی ہی وڈا آسرا ہے مگر۔۔۔

وچار ڈیسک
October 29th, 2017

تیل دی عالمی قیمتاں وچ وادھیاں بارے بی بی سی اک ہشیار خبر چھاپی ہے۔ایس دا حوالہ ورلڈ بینک دی تازی رپورٹ ہے۔حکومت تیزیاں نال ایل این جی ول ودھ رہی سی پر ہک خاص ایجنڈے پاروں قطر اتے ایل این جی نوں متنازعہ بنایا جا رہیا ہے اتے ایس ملاکھڑے وچ عدالتاں تیک لیجاون نال کم ہور خراب کیتا جاسکدا ہے۔نکے مفاداں لئی وڈے فیدیاں نوں بھل جاون وچ رجھے ساڈے کجھ ماہر کھڈاری ہمش وانگ اگے ویکھن توں عاری۔ہورے اوہ سمجھدے ہون پئی سعودی عرب کجھ تیل مفت دے ہی دے گا۔تیل دے گھٹ انحصاراں والی پالیسی وچ ہی اساڈی بچت ہے اتے ایل این جی تے شمسی توانائی ایس پاروں اہمیتاں رکھدیاں نیں۔تیل دی قیمتاں ودھن پاروں عام بندیاں تے بھار ودھ جاندا ہت اتے دوجی شیواں دی قیمتاں وی ودھ جاندیاں نیں۔ تاں مارے عوامی سیاستاں کرن والے تیل دی قیمتاں ودھاون نوں پسند نہیں کردے اتے تونائیاں دے دوجے سوتیاں ول جاندے نیں۔ملکاں نوں ڈکٹیٹ کرن وچ تیل اک وڈا ہتھیار ہے کہ پاکستان نوں ایس توں بچن لئی پکے بندوبست دی لوڑ ہے جس وچ ایل این جی دی پالیسی نوں چلانا لوڑی دا ہے۔ ہن تسی ؒ بر پڑھو۔
سعودی عرب تے روس ولوں خام تیل دی پیداوار وچ کمی دی حمایت دے بعد عالمی منڈیاں وچ خام تیل دی قیمت 60 ڈالر فی بیرل تک پہنچ چکی ہے۔ ایہہ پچھلے دو سال دے دوران خام تیل دی سب توں زیادہ قیمت ہے۔ جمعے نوں لندن ایکسچینج وچ تیل دی فی بیرل قمیت وچ اک ڈالر سینٹس دا اضافہ ہویا۔ دوجے پاسے ورلڈ بینک دا کہنا ہے کہ 2018 وچ تیل دی اوسطاً قیمت 56 ڈالر فی بیرل تک رہن دا امکان ہے جو پچھلے سال 53 ڈالر فی بیرل سی۔عالمی مارکیٹ وچ خام تیل دی قیمتاں وچ ہون والے اضافے دا اثر پاکستان تے وی پیندا ہے کیونجے پاکستان وچ کارویہار اتے گڈیا ں وغیرہ تیل تے ہی چلدے نیں۔ مالی سال 2017 وچ پاکستان نے تقریباً ست ارب اتے70کڑوڑ ڈالر(85ارب روہیے) تیل باہروں منگوان تے خرچے جیہڑا کل دروآمداں دا 15 فیصد سی۔ ملک وچ لوڈشیڈنگ تے بجلی دی پیداوار دا عالمی منڈیاں وچ تیل دی قیمتاں نال ڈونگا رشتہ ہے۔ تیل دی قیمتاں وچ وادھیاں پاروں پاکستان وچ تیل توں چلن والے بجلی گھراں دی مشکلاں ودھ سکدیاں نیں۔ دوجے پاسے بینک دا کہنا ہے کہ 2018 وچ تیل دی اوسطاً قیمت 56 ڈالر فی بیرل تک رہن دا امکان ہے جو پچھلے سال 53 فی بیرل سی۔ عالمی بینک دے مطابق تیل دی قیمتاں ودھن توں اجناس دی قیمتاں وچ اضافے دا امکان ہے۔ رپورٹ وچ آکھیا گیا ہے کہ مختلف ملکاں ولوں تیل دی پیداوار وچ کمی تے امریکی شیل آئل دے تگڑے ہون توں تیل دی قیمتاں ودھ گئیاں نیں۔ ورلڈ بینک نے پیش گوئی کیتی ہے کہ 2018 وچ اجناس دی قیمتاں وچ وی چار فیصد وادھا ہوجا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels