Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاکستان :سرمایہ کاریاں دابوتھا چنگا ہویا جے ، امریکی کمپنیاں۔وائس آف امریکہ

پاکستان :سرمایہ کاریاں دابوتھا چنگا ہویا جے ، امریکی کمپنیاں۔وائس آف امریکہ

وچار ڈیسک
October 29th, 2017

جے خبر امریکہ توں آئے تاں وڈکے یقین کر لیندے نیں پئی آکھیا جاندا ہے کہ پاکستان وچ اچانک خراب معیشتاں دی گل چھوئی گئی خیر, ایس دا کھرا اک ٹائپ دی غلطی نال جوڑیا گیا جو پردھان ورلڈ بینک وچ ہوئی سی۔ویسے سی پیک بعدوں ایہہ خطرے وادھو نیں پئی کتھے پاکستان معیشتاں وچ تگڑا ہو گیا تاں کیہہ ہو سی؟ خیر تساں خبر آپ پڑھو
پاکستان وچ جاری ہون والی اک تازہ جائزہ رپورٹ وچ دسیا گیا ہے کہ وڈی گنتری وچ امریکی کمپنیاں پاکستان وچ سرمایہ کاری لئی تیار نیں۔ ایہہ رپورٹ پاکستان امریکن بزنس کونسل ولوں کیتے گئے اک سروے دے بعد جاری کیتی گئی ہے۔ جس وچ پاکستان دی سیاسی و اقتصادی صورت حال تے بنیادی ڈھانچے ورگے معاملیاں نوں سامنے رکھیا گیا ہے۔ رپورٹ دے مطابق 2016 تے 2017 توں متعلق کیتے گئے سروے وچ حصہ لین والی 40 فیصد کمپنیاں نے سرمایہ کاری دے حوالے توں پاکستان دی صورت حال نوں چنگا آکھیا ہے جداں کہ ایس توں پہلے کیتے جان والے سروے وچ ایہہ شرح صرف 6 فیصد سی۔ رپورٹ وچ ملک دی سیاسی صورت حال، بنیادی ڈھانچے تے غیر روایتی معیشت توں متعلق تحفظاں بارے گل وی کیتی ہے۔ سروے رپورٹ وچ دسیا گیا ہے کہ پہلے دے مقابلے وچ ہن 45 فیصد امریکی کمپنیاں نے پاکستان نوں کاروبار دے حوالے توں بہتر ملک قرار دتا جداں کہ پہلے ایہہ شرح 17 فیصد سی۔ پاکستان امریکن بزنس کونسل دی سیکرٹری جنرل آمنہ داؤد نے جمعے نوں وائس آف امریکہ نال گل بات کردے ہوئے آکھیا کہ اگرچہ ملک وچ امن و امان دی مجموعی صورت حال وچ بہتری آئی ہے تاہم انہاں نے آکھیا کہ پاکستان وچ سرمایہ کاری نوں تھاپڑا دین لئی ملک دی اقتصادی پالیسیاں نوں پائیدار بنیاداں تے تگڑارکھنا لوی دا ہے۔ اقتصادی امور دے تجزیہ کار قیصر بنگالی دا کہنا ہے کہ کسی وی ملک دی تگڑی اقتصادی پالیسی بیرونی سرمایہ کاریاں نال جڑی ہوندی ہے۔ قیصر بنگالی نے مزید آکھیا کہ سرمایہ کار توقع کردے نیں کہ مستقبل وچ انہاں دی سرمایہ کاری منافع بخش ہوئے تے انہاں دے بقول جے پالیسیاں آئے دیہاڑبدلن گیاں تاں ایہہ سرمایہ کاراں دے اعتماداں لئی کسی طور مناسب نہیں ہو سی۔ قومی اسمبلی وچ پارلیمانی سیکرٹری برائے خزانہ رانا محمد افضل دا کہنا ہے حکومت ملک وچ پائیدار سازگار اقتصادی ماحول نوں یقینی بنان لئی کوشاں کررہے ہاں ا تے کجھ سالاں وچ ایس حوالے توں اگڑویں بہتریاں آئیاں جے۔ ایہہ رپورٹ اک ایسے وقت سامنے آئی ہے جداں ملک وچ بعض حلقے پاکستان دے ودھدے ہوئے تجارتی خسارے توں متعلق ڈر تے خدشیاں بارے گل آکھ چکے نیں کہ ملک دی معیشت نوں پائیدار بنیاداں تے استوار رکھن لئی فوری کجھ کرن دی لوڑ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels