Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاکستانیاں دی پراپرٹیاں: دبئی سرکار تعاون نہیں کردی۔ایف بی آر

پاکستانیاں دی پراپرٹیاں: دبئی سرکار تعاون نہیں کردی۔ایف بی آر

وچار ڈیسک
October 27th, 2017

نواز خلاف تے دبئی والیاں جے آئی ٹی نوں کاغذ دے چھڈے سن پر باقیاں بارے اوہ تاں مارے کجھ نہیں دینا چاہندے ، پئی ہورے انہاں نوں ورتنا جو ہے۔گوادر توں ڈریا اتے سی پیک توں سڑیا یو اے ای اپنی حرکتاں پاروں سب دے سامنے کہ خبر تساں آپ پڑھ لو۔وائس آف امریکہ ایہہ خبر چھاپی ہے ۔سوال ایہہ ہے جداں پاکستان وچ باہرلیاں دے پیسے آون دی گل بڑا ٹپ ٹپ کے کیتی جاندی ہے تاں فیر ایس گلوبل پنڈ وچ پاکستان توں باہر رقماں گھلن تے برا کیوں منایا جاندا ہے؟ایس نوں بودھے نیشنلزم دا مسلہ کیوں بنایا جاندا ہے؟جتھے تیک غلط طریقیاں نال کمائی رقماں دا ہے اوس بارے پکی گل ایہہ ہے کہ جنہاں ملکاں نے چوررستے کڈہے نیں انہاں نال سفارتی پدر تے گل کیتی جائے۔ایس وچ تے بہوں سارے یورپی ملک وی رلتی نیں۔دوجے پاسے وڈی ایمنیسٹی دے کے جے ایہہ سب ٹیکس نیٹ وچ آجاندے نیں تاں وی بھیڑا سودا نہیں۔ پلی بارگین نوں تے اساں پہلے ہی منیا ہویا ہے۔
پاکستان دے پردھان وفاقی ادارے ایف بی آر دا کہنا ہے کہ دو طرفہ آپسی ٹیکس معاہدے دے باوجود دبئی والے انہاں پاکستانی شہریاں توں متعلق معلومات نہیں دے رہے جیہناں نے اوتھوں دی رئیل سٹیٹ مارکیٹ وچ سرمایہ کاری کر رکھی ہے۔ ایہہ گل ایف بی آر دے سربراہ طارق پاشا نے قومی اسمبلی دی امور خزانہ دی اک ذیلی کمیٹی نوں دسی ۔ایہہ کمیٹی پچھلے چار سالاں دے دوران دبئی دی جائیداد دی خرید و فروخت دی مارکیٹ وچ کئی ارب ڈالر دی سرمایہ کاری کرن والے پاکستانی شہریاں توں متعلق معلومات دے حصول لئی کوشاں ہے۔ پہلے طارق پاشا قائمہ کمیٹی برائے خزانہ نوں دس چکے نیں کہ انہاں دے ادارے نے ایس بارے وچ تفصیلاں پتہ کرن لئی دبئی دی حکومت توں کئی وار رگل کیتی۔ پر ہلے تک انہاں نوں ایہہ معلومات نہیں دتیاں گیاں۔ دبئی دی حکومت ولوں ہن تیک ایس معاملے تے کوئی بیان سامنے نہیں آیا ہے۔ پاکستان دے سابق مشیر خزانہ سلمان شاہ نے بدھ نوں وائس امریکہ نال گل بات کردے ہوئے آکھیا کہ ایسی انفارمیشن آندی رہی ہے کہ بعض پاکستانی شہریاں نے دبئی دی رئیل سٹیٹ مارکیٹ وچ سرمایہ کاری کر رکھی ہے۔ انہاں نے آکھیا کہ ایہہ جانن لئی اتھے کیہڑے لوکاں نے سرمایہ کاری کیتی ہے تے ایس دی نوعیت کیہ ہے؟ ایس لئی تحقیقاں دی لوڑ ہے ، ہورے ایف آئی اے ورگا ادارہ ایہہ کم کرسکے۔ اقتصادی امور دے ماہر اتے ایس ڈی پی آئی دے پردھان عابد سلہری دا کہنا ہے کہ ملک وچ رئیل سٹیٹ مارکیٹ دی غیر یقینی صورت حال دے پیش نظر بعض پاکستانی شہری دبئی نوں سرمایہ کاری دے حوالے توں اک بہتر آپشن سمجھدے نیں۔ انہاں نے آکھیا کہ غیر قنونی ذرائع توں پیسہ اکٹھا ہورہیا ہے ۔ایس نوں جداں اوہ پاکستان وچ نہیں رکھ سکدے تے اوہ پیسہ باہر جانا شروع ہوجاندا ہے۔ عابد سلہری نے مزید آکھیا کہ بیرون ملک کسی وی پاکستانی شہری لئی بینک اکاؤنٹ کھولنا اک مشکل کم ہے پر ہر پاکستانی اپنے ملک وچ رہ کے دبئی وچ جائیداد دی خریدو فروخت دی مارکیٹ وچ سرمایہ کاری کرسکدا ہے۔ تاہم قومی اسمبلی وچ پارلیمانی سیکرٹری برائے خزانہ رانا محمد افضل دا کہنا ہے کہ بیرون ملک مقیم پاکستانی شہریاں نوں ایہہ حق حاصل ہے کہ کتھے وی سرمایہ کاری کرسکدے نیں۔ رانا افضل نے آکھیا ایہہ ضروری نہیں ہے کہ ایہہ سارا پیسہ پاکستان توں جارہیا ہے، ایہہ پاکستانی شہریاں دا پیسہ تے ہوسکدا ہے پر انہاں چوں زیادہ پیسہ بیرون ملک مقیم پاکستانی شہریاں دا ہے۔ ایس ماملے تے مزید کم ہورہیا ہے۔ یقینی طور تے اسی چاہواں گے کہ پیسہ پاکستان توں باہرلے ملک نہ جائے۔باہر وسن والے پاکستانیاں نوں حق ہے کہ اوہ چاہے پیسہ پاکستان گھلے ،ایس نوں اوتھے سرمایہ کاری لئی ورتے۔ پچھلے کجھ عرصے دے دوران ایسی اطلاواں منظر عام تے آرہیاں نیں کہ اک وڈی گنتری وچ پاکستانی شہریاں نے دبئی دی رئیل سٹیٹ دی مارکیٹ وچ،ہورے پچھلے چار سالاں وچ کوئی 8 ارب ڈالر دی، سرمایہ کاری کیتی ہے۔پر کوئی پکی خبر ہلے سامنے آنا باقی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels