Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چین نہیں رکدا۔پاکستان بعد ہن ایران۔35ارب ڈالر متھے گئے۔دبئی سنے چین مخالفاں دا ماتم

چین نہیں رکدا۔پاکستان بعد ہن ایران۔35ارب ڈالر متھے گئے۔دبئی سنے چین مخالفاں دا ماتم

وچار ڈیسک
September 17th, 2017

ایران دے مرکزی بینک دے سربراہ نے آکھیا ہے پئی چین ہن ایران وچ اقتصادی منصوبیاں لئی 35 ارب ڈالر دی سرمایہ کاری کر سی۔ ایہہ گل ڈاکٹر ولی اللہ سیف نے آپ بیجنگ وچ صحافیاں نال گل بات کردے ہوئے آکھی۔ انہاں نے آکھیا کہ چین ولوں ایران وچ ایس وڈی سرمایہ کاری نال پتہ چلدا ہے کہ دوناں ملکاں وچ آپسی سانجھ ودھ رہی ہے۔ انہاں ایرانی سنٹرل بینک تے چین دے ترقیاتی بینک دے درمیان 15 ارب ڈالر مفاہمت دی یاداشت دا حوالہ دیندے ہوئے آکھیا کہ دوناں ملکاں دے حکام دی ملاقات دے موقع تے ایس مفاہمت تے دستخط کیتے گئے۔ ولی اللہ سیف نے چینی اگزیم بینک دے حکام دے نال اپنی حالیہ ملاقات دا ذکر کردے ہوئے آکھیا کہ ایس بینک نے تہران مشہد دی ریلوے لائن دی مالی سہولیات دی فراہمی لئی 1.7 ارب ڈالر معاہدے دی منظوریاں وی دتیاں نیں۔ سیف ہوراںآکھیا کہ ایس نشست وچ ایرانی تے چینی وفد دے درمیان سب توں مثبت تے اہم موضوع بینکنگ نوں تگڑا کرنا ا تے منی لانڈرنگ نال مقابلہ کرنا سی۔ انہاں نے آکھیا کہ دوناں ملکاں نے دو طرفہ قریبی بینکی سانگیاں نوں تگڑا کرن لئی نویں راہواں لبھن تے اتفاق کیتا۔ انہاں نے مزید دسیا کہ میں چینی کونلن بینک ایرانی بینکاں دے نال کم کررہیا سی ا تیہن ایس تجربے نوں سامنے رکھ کے وڈے فیصلے کیتے گئے نیں۔ چین وچ ایرانی مرکزی بینک دے سربراہ ولی اللہ سیف ،بیجنگ وچ تعینات ایرانی سفیر علی اصغر حاجی، ایرانی سرمایہ کاری تنظیم دے سربراہ محمد خزاعلی تے نائب ایرانی وزیر خزانہ ا تے چین دے سٹیک گروپ دی موجودگی وچ 10 ارب ڈالر دے ایک ہور معاہدے تے دستخط کیتے۔ ایس معاہدے دے تحت چینی سرکار تے بینک ایران دے رفاہ کاگران، صنعت و مائن، یارسیان یاسارگار تے ایکسپورٹ ڈویلپمنٹ توں جڑے بینکاں نوں کریڈٹ لائن دی شکل وچ مالی مدد دین گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels