Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> منی لانڈرنگ دی عالمی فہرست وچ پاکستان 46 ویں نمبر تے۔لو کرلو گل؟

منی لانڈرنگ دی عالمی فہرست وچ پاکستان 46 ویں نمبر تے۔لو کرلو گل؟

وچار ڈیسک
September 9th, 2017

وائس آف امریکہ: دنیا بھر وچ سرمائے دے غیر قنونی لین دین دی نگرانیاں کرن والے سوئٹرز لینڈ دے اک ادارے نے آکھیا ہے کہ پاکستان انہاں 50 ملکاں وچ شامل ہے جتھے دہشت گردی لئی سرمایہ کاری تے منی لانڈرنگ دے خطرے وادھو۔ باسل انسٹی ٹیوٹ آف گورننس نے اپنی 2017 دی رپورٹ وچ دنیا دے 146 ملکاں وچ منی لانڈرنگ تے دہشت گردی وچ غیر قنونی فنڈاں دے ورتارے بارے کھوج لائی ہے۔ رپورٹ وچ دسیا گیا ہے کہ جنوبی ایشیا وچ افغانستان، نیپال تے سری لنکا تِن ایسے ملک نیں جتھے سرمائے دی غیر قنونی ترسیل تے دہشت گردی لئی ایس دے ورتارے دا ڈر دنیا بھر وچ سب توں زیادہ ہے۔ باسل انسٹی ٹیوٹ دی رپورٹ وچ پاکستان نوں ایس فہرست وچ 46 نمبر تے رکھیا گیا ہے ۔جداں کہ بھارت ایس اسکیل وچ 88 ویں نمبر تے ہے۔رپورٹ وچ آکھیا گیا ہے کہ سرمائے دی غیر قنونی منتقلیاں تے ایس دے دہشت گردی لئی استعمال ہون دے خطرے نوں اک خاص پیمانے تے پرکھیا گیا جس وچ سب توں گھٹ خطرے نوں صفر تے سب توں زیادہ خطرے نوں 10 دا نمبر دتا گیا سی۔ ایس پیمانے دے مطابق 2017 وچ اوسط خطرے دی سطح 6.15 ہے۔ دنیا دے دس ملک ایس پیمانے وچ سب توں اُتے نیں انہاں وچ ایران، افغانستان، گنی بساؤ، تاجکستان، لاؤس، موزمبیق، مالی، یوگنڈہ، کمبوڈیا تے تنزانیہ رلتی نیں۔ جداں کہ سب توں نچلے درجے تے فن لینڈ، لیتھوانیا تے ایسٹونیا نیں۔ ایران 8.60 دے اسکور دے نال سرفہرست ہے جداں کہ فن لینڈ 3.04 پوائنٹس دے نال سب توں تھلے ہے۔ باسل انسٹی ٹیوٹ دے اسکیل تے پاکستان دا اسکور 6.64 ہے جو دنیا دے اوسط 6.15 توں قدرے زیادہ ہے۔ رپورٹ وچ دسیا گیا ہے کہ پچھلے سال دے مقابلے وچ اپنے ایتھے سرمائے دے غیر قنونی لین دین وچ سب توں زیادہ بہتری لیان والے ملک سوڈان، تائیوان، اسرائیل تے بنگلہ دیش نیں۔ جداں کہ جمیکا، تیونس، ہنگری، ازبکستان تے پیرو ایسے ملک نیں جیہناں وچ پچھلے سال دے مقابلے وچ صورت حال وچ سب توں زیادہ وگاڑ آیا ہے۔ جے جنوبی ایشیائی ملکاں دی گل کیتی جائے تے افغانستان، نیپال تے سری لنکا دا اسکور 7.57, 8.38 تے 7.15 ہے تے عالمی پدرتے ایہہ ملک ترتیب وار دوجے 14 ویں تے 25 ویں درجیاں تے آندے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels