Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> جبوتی: چین دے فوجی دستے پہلے غیر ملکی فوجی اڈے لئی روانہ۔نویں دنیا، نویں کھڈاری، پر اساں آپسی جھیڑیاں وچ؟

جبوتی: چین دے فوجی دستے پہلے غیر ملکی فوجی اڈے لئی روانہ۔نویں دنیا، نویں کھڈاری، پر اساں آپسی جھیڑیاں وچ؟

وچار ڈیسک
July 13th, 2017

دنیا تیزیاں نال بدل رہی ہے پر ساڈے ایتھے اوہی گندا اقتداری کھیڈ جاری کہ ساڈی اشرافیہ تے اسٹیبلشمنٹ نوں1971وچ بدلن والے عالمی منظر نامے دا وی نہیں پتہ سی تے اج وی وانجھی۔جے انہاں دی1943دی ترے وڈیاں والی تہران کانفرنس توں یالٹا معاہدے تیک نظر ہوندی تاں اوہ جان سکدے کہ 1960دے دہاکے دے اخیری سال تے1970دے شروع دے سال کیوں اہمیتاں رکھدے نیں۔اج اک وار فیر دنیا بدل رہی ہے پر اساں سعودی اتحاد نال چمٹے ہاں۔جداں چین نال دوستی دا پھل کھان دا ویلہ آیا تے اساں آپسی جھیڑے ودھا لتے۔تساں خبر پڑھو تاں جے تہانوں ایس تیزیاں نال بدلدی دنیا دا بوتھا ہورے نظر آئے۔مڈل ایسٹ تے افریقہ لئی ’’جبوتی‘‘ دے جزیرے دی اوہی اہمیتاں جیہڑیاں پاکستان دی وسط ایشیا، مغربی ایشیا تے جنوبی ایشیا لئی نیں۔ایہہ نکا جزیرہ اک مسلم ملک ہے پر ساڈی اسلامی دنیا وچ ایس دا کوئی ناں نہیں۔کدی ایہہ فرانسیسیاں دے قبضے وچ سی پر1977وچ ایس نوں آزادی دتی گئی۔نرے اٹھ، نو لکھ بندیاں دا ایہہ ملک سانوں دسدا ہے پئی اج تیک افریقی ملک کیوں ماڑے نیں تے اوتھے فساد کیوں پھیلائے جاندے رہے نیں اتے امریکیاں تے یورپیاں نوں ایہہ ملک کیوں پسند ہے۔پر اج چین ایس بندوبست نوں توڑ رہیا ہے ۔
چین افریقی ملک جبوتی وچ ایس امریکی اڈے دے قریب اپنا پہلا فوجی اڈا قائم کررہیا ہے جس نوں امریکہ مشرق وسطیٰ تے افریقہ وچ اپنی وڈی تے اہم فوجی کاروائیاں لئی ورتدا ہے ۔چین دا کہنا ہے کہ ایس اڈے دے ذریعے افریقہ تے ایس ددے مغربی علاقیاں وچ امن دے قیام تے انسانی ہمدردی دی بنیاداں تے کیتے جان والے اقداماں نوں پورا کیتا جا سی۔ چینی خبر رساں ادارے زن ہوا دا کہنا ہے کہ ایس فوجی اڈے نوں فوجی تعاون، بحری مشقاں تے ریسکیو مشناں لئی وی ورتیا جاسی۔ چیتے رہے پئی چین نے افریقہ وچ اپنی سرمایہ کاری وچ اضافہ کیتا ہے تے حالیہ عرصے وچ اپنی فوج وچ وی تیزی نال جدت لائی ہے۔ زن ہوا دا کہنا ہے کہ منگل نوں چین دے جنوبی صوبے گوانگ ڈانگ دے علاقے زانجیانگ وچ واقع بندر گاہ توں جہاز جبوتی لئی روانہ ہوئے سن۔ جداں کہ ایس توں پہلے موصول ہون والی رپورٹاں وچ آکھیا گیا سی کہ ایس فوجی اڈے دی تعمیر لئی پچھلے سال کم دا آغاز ہویا سی۔ ایس فوجی اڈے نوں چین دے ایس خطے وچ ایس دے مفاداں دے حوالے توں ویکھیا جارہیا ہے۔ پر بدھ نوں چائنا گلوبل ٹائمز وچ لُکن والے اداریے وچ آکھیا گیا کہ چین دی فوجی ترقی چینی حفاظت نوں مضبوط بنان لئی ہے نہ کہ دنیا نوں کنٹرول کرن لئی۔ اخبار دا کہنا ہے کہ امریکہ جاپان تے فرانس دے وی جبوتی وچ فوجی اڈے نیں۔ چیتے رہے کہ جبوتی شمالی افریقہ دا اک نِکا جہیا ملک ہے۔ ایہہ قدرے پر امن ملک ہے تے اپنے جغرافیے دے اعتبار توں بہت اہم ہے کیونکہ ایہہ اک مصروف بحری گزرگاہ ہے۔ 2015 وچ افریقی اقوام دے مرکزی اجلاس وچ چین نے افریقہ دی ترقی لئی 60 ارب ڈالر ادا کرن دا وعدہ کیتا سی۔ چین ایس خطے وچ سب توں وڈا تجارتی پارٹنر ہے۔ ایس دے علاوہ ایس نے اوتھے انفراسٹرکچر دے مختلف پراجیکٹاں لئی بندے تے فنڈز وی دتے نیں۔ ایس وچ افریقی ملکاں نوں اک دوجے نال جوڑن لئی ریلوے دا نظام وی شامل ہے۔ انہاں چوں اک جبوتی نوں ایتھوپیا نال ملاندا ہے جداں کہ انگولیا ،نائجیریا ،تنزانیہ تے زیمبیا نوں اک دوجے نال جوڑن لئی وی ریلوے ٹریک وچھان گے۔ ایس دے بدلے وچ افریقی ملک چین نوں قدرتی ذخیریاں یعنی ایندھن تے معدنیات وغیرہ شامل نیں،دین گے۔ جبوتی وچ چین دا قائم کیتے جان والا فوجی اڈہ امریکی فوجی اڈے جس دا ناں کیمپ لیمز ہے۔ توں کجھ ہی میل دے فاصلے تے ہے۔ امریکہ نے نائن الیون دے بعد ایس اڈے نوں قائم کیتا سی تے ہن وی ایس نوں مشرق وسطی تے افریقہ وچ اپنی وڈی تے اہم فوجی کاروائیاں لئی ورتیا سی۔ حال ہی وچ امریکہ ولوں یمن وچ ہون والی فوجی کاروائی وی اسی کیمپ توں ہوئی سی۔
Basic Info about Djibouti
https://en.wikipedia.org/wiki/Djibouti


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels