Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاک ایران تجارتاں تک پنج ارب ڈالر سالانہ تک ودھ سی۔سانجھی تجارتی کمیٹی دادوجہ اجلاس

پاک ایران تجارتاں تک پنج ارب ڈالر سالانہ تک ودھ سی۔سانجھی تجارتی کمیٹی دادوجہ اجلاس

وچار ڈیسک
July 12th, 2017

اسلام آباد: پاکستان تے ایران دے درمیان سانجھی تجارتی کمیٹی دا دوجہ اجلاس اسلام آباد وچ ہورہیا ہے جس وچ شرکت لئی ایران دی ٹریڈ پروموشن اتھارٹی دا تِن رکنی وفد پیر نوں پاکستان آیا سی۔ چیتے رہے کہ پاکستان ایران تجارتی کمیٹی دا پہلا اکٹھ دسمبر 2016 نوں تہران وچ ہویا سی۔ پچھلے سال پاکستان تے ایران نے معاشی و اقتصادی سانگیاں نوں ودھان لئی پاک ایران سانجھا چیمبر آف کامرس قائم کیتا گیا سی۔ ایہہ وی یاد رکھو پئی پچھلے سال صدر حسن روحانی دے دورہ پاکستان دے دوران دونوں ملکاں نے دو طرفہ تجارت دے پنج سالہ لائحہ عمل تے اتفاق کیتا سی۔ اوس دے تحت دو طرفہ تجارت نوں 2021 تک پنج ارب ڈالر سالانہ تک ودھان تے اتفاق کیتا گیا سی ۔ پاکستان وچ کاروباری برادری دا کہنا ہے کہ ایران تے عالمی پاندیاں لمیرے چر بعدوں ہٹ رہیاں نیں اتے ہر آن والے سال وچ ایہہ پابندیاں ہور نرم ہون گیاں۔ایرانی عوام صدر حسن روحانی نوں ووٹ دے کے ایران دی عالمی تنہائیاں توں بیزاریاں دا ثبوت دے چکے نیں اتے ایہہ ال وڈا موقعہ ہے۔ پاکستان ہمسائیہ ہون پاروں ایس موقعہ توں فیدہ چکدے ہوئے پاکستانی تے ایرانی عوام نوں فیدے دے سکدا ہے۔ ایہو وجہ ہے کہ پاکستان تے ایران دے درمیان تجارت دے شعبے وچ سانگیاں نوں ودھان دے بہوں امکانات نیں۔ ایران جوہری پروگرام توں متعلق عائد بیشتر عالمی پابندیاں جنوری وچ ہٹائے جان دے بعد پاکستان دے مرکزی بینک نے وی تمام کمرشل بینکاں تے مالیاتی اداریاں نوں ایران دے نال لین دین دی اجازت دے دتی ہے جس دے بعد دوناں ملکاں دے درمیان تجارت دے فروغ دے چانسس مزید ودھ گئے نیں۔ پر اک لابی پاکستان تے ایران وچ ودھدے سانگیاں خلاف ہے اتے اوس دے ہرکارے دوناں ملکاں وچ موجود نیں۔سعودی اتحاد پاروں کجھ اوکڑاں ودھیاں نیں پر جے پارلیمنٹ نوں کردار ادا کرن دتا تاں مسلے زیادہ بہتر ہوسکدے نیں کیونجے پارلیمنٹ یمن دی قرارداد پاروں نیوٹرل سٹینڈ رکھدی ہے اتے ایرانی ایس نوں پسند کردے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels