Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> فرانس: 2040 تک گڈیاں پٹرول توں بغیر چلن گیاں۔تیل والے ملکاں دا کیہہ ہو سی؟ نواں کٹا

فرانس: 2040 تک گڈیاں پٹرول توں بغیر چلن گیاں۔تیل والے ملکاں دا کیہہ ہو سی؟ نواں کٹا

وچار ڈیسک
July 9th, 2017

دنیا دا نواں بوتھا ڈیجیٹل ہے اتے اوس دا وڈا گھما سوشل میڈیا، تجارتی رستیاں دی چاندی وادھو کہ ٹرمپ اک ہار چکی جنگ لڑیندا پیا جے۔فیشن تے آئیڈیاز دی دھرتی فرانس توں جیہڑی خبر آئے اوس تے دھیان دینا ہی پیندا ہے۔ایس خبر وچ دس پائی ہے کہ فرانس 2040 تک اپنے ملک وچ پٹرول تے ڈیزل نال چلن والی گڈیاں دی فروخت ختم کرن تے ایس دے بعد اپنے ماحول نوں کاربن گیساں توں پاک کرن لئی تیار جے۔ ماحولیات دے فرانسیسی وزیر نکولا ہیلو نے انہاں خیالاں دا چھٹا لایا ہے۔اوہ آب و ہوا دی تبدیلی یعنی موسمی وٹاندرے دے حوالے نال پیرس معاہدے تے عمل پاروں اک اکٹھ نال گل بات کر رہے سن۔ امریکی صدر ٹرمپ ولوں پیرس معاہدے توں نکلن دے بعد فرانس دے صدر ایمینول میکرون، ایس معاہدے تے عمل درآمد لئی مزید زور دینا چاہندے نیں۔ ایس تقریب وچ فرانسیسی وزیر نکولا ہیلو نے عمل درآمد توں متعلق چھ نظریے تے 23 تجویزاں پیش کیتیاں ۔ انہاں دا کہنا سی کہ پٹرول تے ڈیزل نال چلن والیاں گڈیاں دی فروخت بند کرن دا فیصلہ اک نقلابی چھال ہو سی۔ انہاں نے آکھیا ہے کہ ایس توں پیدا ہون والے مسائل دے حل موجود نیں تے فرانس دے موٹر ساز ادارے ایہہ کم کرن گے۔ فرانس وچ ایس سال فروخت لئی پیش کیتی جان والی گڈیاں وچ پٹرول تے ڈیزل دی نویں گڈیاں دی گنتری 95 فیصد توں زیادہ جے۔ جداں کہ بجلی دی کاراں محض اک اعشاریہ 2 فیصد نیں تے ہائی بریڈ گڈیاں دی گنتری ساڈھے تِن فی صد ہے۔ فرانس دے ماحولیات دے وزیر دا کہنا ہے کہ 2050 تک کاربن گیساں دے اخراج نوں ختم کرن دے سلسلے وچ معدنی ایندھن داورتارا بند کرنا فرانس دی ترجیحاں دا وچلا ٹیچا ہے۔ فرانس کوئلے نال بجلی پیدا کرن دے پاور ہاؤس 2022 تک بند کردے گا تے حکومت جوہری بجلی گھراں دے توانائی وچ حصے نوں وی ہولے ہولے گھٹ کردی چلی جائے گی ۔چیتے رہے پئی یورپی یونین نوں چین ایہہ گل آکھ چکیا ہے کہ امریکہ جے نکل وی گیا تے چین ایس معاہدے نوں اگیے ودھان وچ ساتھ دے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels