Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> سازشاں دا کھرا کتھے کتھے؟ ڈالر پرانی قیمت ول آگیا۔سازشیاں نوں سامنے لیاواں گا۔ڈار

سازشاں دا کھرا کتھے کتھے؟ ڈالر پرانی قیمت ول آگیا۔سازشیاں نوں سامنے لیاواں گا۔ڈار

وچار ڈیسک
July 7th, 2017

ڈالر تن دناں وچ ترے روپیئے کنج ودھیا؟ جیڑے ڈالر دی قیمت ودھا سکدے نیں اوہ ہور کیہہ کجھ نہیں کر رہے ہون گے؟پچھلے ترے دناں وچ کس کس ایس توں مال کمایا؟ کاغذ دی مارکیٹ وچ طوفان آیا تے تاجراں نے یا مال غیب کر دتا یا مہنگا۔بوجھ کس تے پیا؟ سازش نواز دے خلاف سی یا وعوام دے خلاف؟ سازشیاں نوں ایس دی کوئی پروا نہیں۔ہن اسحاق ڈار ہوراں دی مداخلتاں بعدوں ڈالر پرانے ریٹ دے نیڑے آگیا ہے اتے 109 توں105.80تک اپڑیاہے پر پاکستانی روپیئے دی قدر وچ بدھ نوں نمایاں ریکارڈ کیتی گئی سی جداں اک دن وچ ڈالر دے مقابلے وچ روپے دی قدر وچ لگ بھگ تِن فیصد کمی ہوئی سی۔ڈار ہوراں آکھیا ہے کہ اساں سازشیاں تے سازش دا پورا کھوج لاواں گے۔انہاں دسیا کہ ہن طارق باجوہ ہوری سٹیٹ بینک دے نویں پردھان بن گئے نیں اتے اوہ ایس دا کھوج لان گے۔ناں لتے بغیر اک سازشی بارے دار ہوراں اشارہ وی کر دتا ہے۔ بدھ دی دوپہر تک اوپن مارکیٹ وچ اک ڈالر دی قیمت 108.1 پاکستانی روپے دے برابر ہو گئی سی اتے رات نوں109روپیئے ہو چکی سی۔ ایہہ پتہ نہیں لگ رہیا سی کہ ڈالر دے مقابلے وچ روپے دی قدر وچ اچانک غیر معمولی کمی دی کیہ وجوہات نیں تے کیہ ایس دا تعلق ملک وچ جاری سیاسی صورت حال توں ہے یا فیر روپے دی قدر وچ کمی سرکاری طور تے کیتی گئی ۔ اسلام آباد وچ غیر ملکی کرنسی دے لین دین دے کاروبار توں واجڑی اک غیر سرکاری کمپنی دے اک عہدیدار نے ناں ظاہر نہ کرن دی شرط تے وائس آف امریکہ نوں دسیا ہے کہ جے روپے دی قدر وچ کمی آئندہ اک ہفتے تک جاری رہندی ہے تے فیر ایہہ آکھیا جاسکدا ہے کہ ایس وچ کمی سرکاری طور تے کیتی گئی ہے۔ پر انہاں دے بقول جے ڈالر دے مقابلے وچ روپے دی قدر پہلے دی سطح تے آجاندی ہے تے فیر ایہہ سمجھیا جائے گا کہ روپے دی قدر وچ کمی اک عارضی عمل سی۔ مقامی میڈیا وچ سامنے آن والی بعض اطلاعات دے مطابق وزیرِ خزانہ اسحاق ڈار نے ڈالر دی قیمت وچ اضافے تے تشویش دا اظہار کردے ہوئے آکھیا ہے کہ بعض ادارے تے بینک صورتِ حال دا ناجائز فیدہ چک رہے نیں۔ چیتے رہے کہ امریکی ڈالر مقامی مارکیٹ وچ جولائی دی چار تریخ تک 104 روپے 90 پیسے وچ مل رہیا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels