Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> سٹیٹ بینک دا قرضہ لین والیاں دی تفصیلاں دین توں انکار۔ایہہ پہلی وار نہیں ہویا۔بد نیّتے

سٹیٹ بینک دا قرضہ لین والیاں دی تفصیلاں دین توں انکار۔ایہہ پہلی وار نہیں ہویا۔بد نیّتے

وچار ڈیسک
July 4th, 2017

ڈکٹیٹراں دے دور وچ نہ امریکی مداخلتاں دی گل ہوندی ہے تے نہ ہی قرضے معاف کروان والیاں دی کہ ایہہ سب جمہوری حکومتاں وچ اوس ویلے چکے جاندے نیں جداں کوئی ہور پریشر پانا ہوئے۔ہلے ریمنڈ ڈیوس دی کتاب بارے جس طراں وڈے وڈے اینکراں من پسند گلاں چلائیاں تے اوہ گلاں جیہڑیاں کتاب وچ نہیں سن انہاں دی بریکنگ نیوز بنائیاں تے جان بجھ کے توپاں دا رخ نواز ول کیتا اوہ تواریخ وچ ہمش لئی نقش ہو گیا ہے۔کل نوں کسی نویں چینل لئی چوکھا مواد اج دے مہان اینکر آپ دے رہے نیں۔نیتاں ٹھیک ہون تاں چنگے کم دا نتیجہ خیر نکلدا ہے پر بد نیّتے چنگے کم نوں وی کوڑ کر دیندے نیں کہ میڈیا توں جے آئی ٹی تیک ایہہ کھیڈ جاری۔
قرضے لین والیاں توں ودھ مسئلہ انہاں دا جنہاں قرضے معاف کروائے نیں اتے ایس بارے مشرف دور بارے جدان گل ہوئی سی تے پئے بھرتو گئے سن۔ایس وچ سول ملٹری افسراں سنے امیر لوکاں دے ناں وادھو سن۔ گل نرے پنج سالان دی نہیں سگوں پچھلے 16ورہیاں دی ہے۔خبران موجب سینیٹ دی قائمہ کمیٹی وچ وزارت خزانہ تے سٹیٹ بینک نے پچھلے 5 سالاں وچ سیاستداناں دے بینکاں توں لتے جان والے قرضیاں دی تفصیلاں پیش کرن توں انکار کردتا۔ حکام دا کہنا ہے کہ قرض لین والیاں دی تفصیلاں کیمرے والے سیشن یا چیئرمین سینیٹ دے چیمبر وچ ہون والے اکٹھ وچ پیش کیتی جاسکدی ہے ۔بینکنگ قنوناں دے تحت صارفاں دا ڈیٹا کسی نوں نہیں دتا جاسکدا۔ سینیٹ دی قائمہ کمیٹی وچ سیاستداناں نوں 5 سالاں وچ بنکاں توں دتے گئے قرضیاں دی تفصیلاں دین دا معاملہ زیر بحث آیا۔ کمیٹی نے حکام توں پچھیا کہ ڈیڑھ سال توں سیاستداناں نوں دتے گئے قرضیاں دی تفصیلاں منگ رہے ہاں۔ کیوں ، تسی ایہہ معلومات نہیں کردے رہے؟ جس تے وزارت خزانہ تے سٹیٹ بینک دے حکام نے قرضیاں دی تفصیلاں کمیٹی وچ پیش کرن توں صاف انکار کردتا۔ ایس حوالے توں موقف اختیار کیتا گیا کہ بینکنگ لاء تے صارفین دے ڈیٹا دے تحفظ دے قوانین پاروں انہاں دی معلومات سب دے سامنے نہیں کھول سکدے، ایسا کیتا تے لوک عدالتاں وچ چلے جان گے۔ سابق گورنر اسٹیٹ بینک اشرف محمود دآکہنا سی کہ پہلے وی کمیٹی وچ طے ہویا سی کہ ایہہ تفصیلاں کمیٹی نہیں سگوں چیئرمین سینیٹ دے چیمبر وچ پیش کیتیاں جان گیاں۔ قرضیاں دا ریکارڈ چیئرمین سینیٹ دے چیمبر وچ نہیں رکھیا جاسکدا۔ سٹیٹ بینک حکام تفصیلاں خود چیمبر وچ لے آن گے، جس سینیٹر نے ویکھنا ہوئے اوہ ریکارڈ ویکھ سکداہے۔ ادارے دا ریکارڈ دا راکھاآپ آ سی تے ریکارڈ اپنے نال واپس لے جائے گا۔ چیئرمین کمیٹی نے آکھیا کہ تُسی قرضیاں دی تفصیلاں دا معاملہ چیئرمین سینیٹ نوں گھل دو۔کیہہ سینیٹ والے مشرف دور دا ریکارڈ ویکھ چکے نیں؟ کیہہ ایہہ کم جاری سیاستاں پاروں تیز ہویا ہے؟ خبر وی اہم ہوندی ہے پر اکثر ٹائمنگ پاروں اوس دا بوتھا ہور دا ہور ہو جاندا ہے۔اج کل تے وڈے وڈے اینکر ایسے کم وچ رجھے نیں کہ انہاں دے سوال وی بدل چکے نیں؟ مذاق وی بدل چکے نیں کہ امریکی تے برطانوی مداخلتاں، سعودی حمائیتاں تے قرضیاں دی معافیاں دے مسلیاں نوں سیاست پاروں اگے پچھے کیتا جاندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels