Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> کراچی جیل : وڈی گنتری وچ ریفریجریٹرز، ٹی وی تے موبائل فونز ۔ایہہ کس دا مال سی؟جے آئی ٹی بناؤ

کراچی جیل : وڈی گنتری وچ ریفریجریٹرز، ٹی وی تے موبائل فونز ۔ایہہ کس دا مال سی؟جے آئی ٹی بناؤ

وچار ڈیسک
June 20th, 2017
5 / 5 (1 Votes)

ایہہ خبر ساڈے بوتھے دا اوہ لشکارا جس نوں سب رل مل لکاندے رہندے نیں اتے ہن وی ایس تے مٹی پا دتی جائے گی۔مسئلہ نرا جہادی مواد دا نہیں سگوں ایہو سب کجھ جیلاں وچ چلدا ہے اتے بہوں افسر ایہہ جاندے وی نیں۔خبر وچ دسیا گیا ہے کہ اک اپریشن دے دوران کراچی دی سنٹرل جیل توں چھوٹے ریفریجریٹر، ڈسپینسر، 70 دے قریب ٹی وی سیٹ، پکھے، ایئرکولر، واٹر کولر، سپیکر، ڈی وی ڈی پلیئر تے ہیٹر وپھڑے گئے۔سوال تے ایہہ ہے کہ ایہہ کس دا مال سی۔؟پاکستان دے سب توں وڈے شہر کراچی دی مرکزی جیل وچ اپریشن دوران وڈی تعداد وچ موبائل فونز، ٹی وی سیٹس، ایل سی ڈیز تے جہادی مواد برآمد کیتا گیا،۔بیرکس دے علاوہ قیدیاں دی جسمانی تلاشی وی لتی گئی۔ شہر دے وسط وچ شہری آبادی دے درمیان وچ واقع سینٹرل جیل کراچی وچ ایہہ آپریشن کئی گھنٹے جاری رہیا۔ ایس جیل وچ حکام دے مطابق چھ ہزار دے قریب قیدی موجود نیں۔ کراچی وچ بی بی سی دے نامہ نگار ریاض سہیل دے مطابق بھٹائی رینجرز دے سیکٹر کمانڈر شاہد جاوید نے میڈیا نوں دسیا کہ جیل حکام نے انہاں نال رابطہ کیتا سی جس دے بعد پلس دی مدد نال ایہہ آپریشن کیتا گیا۔ انہاں دعویٰ کیتا کہ تقریبا 27 سال بعد ایس نوعیت دا جنرل اپریشن کیتا گیا ہے۔ ایس توں پہلے 1990 وچ ایہہ آپریشن ہویا سی۔اگلا اپریشن2044 و چ ہوسکدا ہے۔چیتے رہے کہ کراچی وچ جاری ٹارگٹیڈ آپریشن دے دوران گرفتار کیتے گئے، سیاسی و مذہبی جماعتاں، شدت پسند گروہاں تے جرائم پیشہ افراد دی اک وڈی گنتری نوں ایسے جیل وچ رکھیا گیا ہے۔ پچھلے ہفتے سنٹرل جیل توں دو انتہائی مطلوب ملزماں فرار ہوئے سن جنہاں دا تعلق شدت پسند گروہ لشکر جھنگوی توں سی، جس دے بعد 12 دے قریب اہلکاراں نوں گرفتار کیتا گیا سی۔ بھٹائی رینجرز دے سیکٹر کمانڈر شاہد جاوید نے دسیا کہ دوران آپریشن 450 موبائل فونز، سماں، یو ایس بیز تے اینٹی جیمرز ورگی ڈیوائسز جیہناں دے ذریعے سگنل جام کرن دی کوشش نوں ناکام بنایا جاندا ہے برآمد کیتیاں گئیاں نیں۔ یاد رہے کہ سنٹرل جیل تے موبائل فون دے جیمر لگے ہوئے نیں، جس پارون آل دوال دی آبادیاں وچ موبائل فون کمپنیاں دے سگنل مکمل نہیں پہنچ پاندے۔ آپریشن دی جاری ویڈیو وچ ویکھیا جاسکدا ہے کہ اک بلب دے بورڈ دے پچھے کھپے وچ موبائل فون تے ڈیوائس موجود سی، جس نوں کپڑے وچ لپیٹ کے رکھیا گیا سی۔ رینجرز حکام دے مطابق ایہہ موبائل مخصوص اوقات تے مخصوص مقاماں توں استعمال کیتے جاندے سن جنہاں نال وارداتاں وی ہوئیاں نیں۔ رینجرز کمانڈر دے مطابق آپریشن وچ جیل دے سرکاری کچن دے علاوہ اٹھ توں دس نجی باورچی خانے وی نکلے نیں، جتھوں جوسر، مائیکرو ویو، اون، 100 توں زائد گیس سیلنڈر دے علاوہ 56 ٹن راشن وی پیا سی۔ انہاں باورچی خانیاں وچ چونویں قیدیاں لئی کھانا تیار کیتا جاندا سی۔ انہاں نے جیل وچ گیس سیلنڈر دی موجودگی تے تشویش دا اظہار کیتا تے آکھیا کہ ایہہ سلینڈر جیل توڑن لئی وی ورتے جاسکدے سن۔ کمانڈر شاہد جاوید نے دسیا کہ منیشات وی برآمد ہوئی ہے جیہڑی وڈی گنتری وچ نہیں صرف قیدیاں دے استعمال جیڈی ہے جو خفیہ خانیاں وچ لُکائی گئی سی۔پر کون جانے ایہہ جیل منشیات دی سمگلنگ وچ وی ملوث ہوئے۔ رینجرز حکام دے مطابق مسجد تے لائبریری دی وی تلاشی لتی گئی تے لائبریری توں جہادی مواد برآمد ہویا ہے، جداں کہ بعض موبائل فوناں تے کتاباں وچ منشیات لُکائیاں گئیاں سی۔ آرام تے آسائش دی چیزاں دے علاوہ قیدیاں توں 33 لکھ دے قریب نقد ی وی برآمد کیتی گئی ہے۔جیلاں وچ جو کجھ ہوندا ہے اوہ ججاں، ایجنسیاں تے سیکورٹی اداریاں توں باہر نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels