Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> ای او بی آئی فنڈ، فراڈ، مقدمہ: مٹی پاؤ پالیسی ہی چلے گی؟

ای او بی آئی فنڈ، فراڈ، مقدمہ: مٹی پاؤ پالیسی ہی چلے گی؟

وچار ڈیسک
June 16th, 2017

عمر اصغرخان توں ظفر گوندل تیک ایس فنڈ نال جڑیاں ہوشربا کہانیاں تے کنج مٹی پائی جائے، کیہہ سب ایس وچ مصروف نیں۔1976وچ ایہہ قنون بنایا گیا سی اتے فنڈ وی کہ دسمبر2001وچ وزیر ہوندے ہوئے عمر اصغر کیہڑا فروڈ ویکھ لتا سی کہ اوہ وزارت توں باہر نکل آیا؟پر چندمیہنیاں بعدوں اوس دا لاشہ کرچی توں ملیا۔جیہڑا فنڈ اپریل 1976 توں اکٹھا ہورہیا ہوئے گا اوس دی منی ٹیل کون لبھے گا؟ مشرفی دور وچ اوس فنڈ نوں کس کس ورتیا؟ ظفر گوندل تے کل دی گل ہے کہ نرا اک سال پہلاں تیک عمران خان ای او بی آئی کیس دے حوالے نال نذر گوندل نوں سرعام طعنے دیندا سی۔ میڈیا کول فوٹیج ہو سی پر ہن چلانی اوکھی۔اج نذر ہوری ’’پاک‘‘ ہون لئی پی ٹی آئی وچ رل چکے نیں تے خان ہوری ای او بی آئی نوں بھل گئے۔عدالت وچ کیس پنشنرز دے حوالے نال ہے کہ پرانے عدالتی فیصلے پاروں ہن گل کسے ہور پاسے ٹور دتی جا چکی ہے۔جے پرانی منی ٹریل پتہ چل جائے تے ریفنڈ وی ہو سکدا ہے۔اک فنڈ تے کڈیاں کہانیاں پر ہر کوئی مٹی پانا چاہندا ہے۔ای او بی آئی دے پنشنرز دے کیس وچ سپریم کورٹ دے جسٹس شیخ عظمت سعید نے آکھیا ہے کہ سپریم کورٹ اپنے فیصلے وچ ای اوبی آئی دی کلیکشن نوں غیر قنونی قرار دے چکی ہے۔ عدالتی فیصلے دے بعد کلیکشن دین والے رقم ریفنڈ دا مطالبہ کر رہے نیں۔ ریفنڈ دینا پئے تے ای او بی آئی دا فنڈ ختم ہو جائے گا۔ اٹارنی جنرل مسئلے دا حل کڈھن۔ ای او بی آئی پنشنرز کیس دی سماعت جسٹس عظمت سعید دی سربراہی وچ دو رکنی بنچ نے کیتی۔ انہاں دا کہنا سی کہ ریفنڈ دینا پئے تے ای او بی آئی دا فنڈ ختم ہو جائے گا۔ ریفنڈ دین دے بعد ای او بی آئی دے کول پنشنرزنوں پنشن دین دے پیسے نہیں ہون گے۔ تباہی دا ایہہ انسانی طوفان دوراہے تے کھڑا ہے۔ جسٹس عظمت سعیدنے اٹارنی جنرل نال مکالمے وچ آکھیا کہ ایس مسئلے دا حل کڈھن۔ اٹارنی جنرل نے جواب دتا مسئلے دا حل کڈھنا آسان نہیں۔ ایس تے جسٹس عظمت سعید شیخ نے ریمارکس دتے کہ کس آکھیا زندگی آسان ہے۔ اج دا دن میرے تے تہاڈے لئی بہت مشکل ہے، امید کردے ہاں اٹارنی جنرل مسئلے دا حل لے کے آن گے۔ کیس دی پیشی چار ہفتیاں تک اگے پادتی گئی۔ریفنڈ دا مسئلہ حل کرن دے بہانے ہی عدالت ایہہ پتہ کرائے کہ پچھلے41سال وچ کڈی رقم اکٹھی ہوئی تے کڈی ونڈی گئی تے کڈی اڈائی گئی۔ڈنگ ٹپاؤ کم کد تیک چلدے رہن گے؟عمر اصغر دے رشتے داراں،بیگم تے یاراں نوں وی پتہ ہو سی، کہ ای او بی آئی دی منی ٹریل لبھن نال گل حل ول ٹر پئے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels