Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پیرس معاہدے توں نکلنا پٹھا پئے گیا۔چین, یورپ نیڑے ، امریکہ، برطانیہ تنہا،پوپ وی مخالفتاں کر دتیاں۔وکھالے

پیرس معاہدے توں نکلنا پٹھا پئے گیا۔چین, یورپ نیڑے ، امریکہ، برطانیہ تنہا،پوپ وی مخالفتاں کر دتیاں۔وکھالے

وچار ڈیسک
June 3rd, 2017

ایس ویلے چینی وزیراعظم برسلز وچ نیں اتے یورپی لیڈراں نال رل کے پیرس معاہدے نوں جاری رکھن دا اعلان کر رہے نیں۔ایہہ اک بدل رہی دنیا دا وڈا لشکارا ہے کہ چین اک پاسے ایس سی او دا اکٹھ کر رہیا ہے تے دوجے پاسے پورپ نال سانگے ودھا رہیا ہے۔برطانیہ ایس سب توں بریگسٹ کر کے باہر ہو چکیا ہے اتے ٹرمپ ہن امریکہ نوں وی باہر کر رہیا ہے۔ٹرمپ دی سعودی عرب وچ ایران مخالف تقریر پاروں ترکی، ایران تے روس نیڑے آئے اتے ہن پیرس معاہدے توں نکلن دے اعلان نے چین تے یورپی یونین نوں نیڑے کر دتا۔دنیا دے نویں بوتھے وچ جنگاں دی تھاں تجارتاں دی اہمیتاں نیں اتے ’’کلین انرجی‘‘(ایسی توانائی جس نال ماحولیات نوں خطرہ نہ ہوئے) پاروں اوہ سارے کاروبار پچھے جان گے جس پاروں آلودگیاں ودھدیاں نیں۔
امریکہ دے صدر ڈونلڈ ٹرمپ نے اعلان کیتا سی کہ امریکہ 2015 وچ پیرس وچ ماحولیات دے متعلق طے پان والا عالمی معاہدہ ختم کر رہیا ہے۔ وائٹ ہاؤس وچ گل کردے ہوئے انہاں دا آکھنا سی کہ واشنگٹن ایس معاہدے چوں نکل رہیا ہے کیوں کہ ایس معاہدے وچ رلتی شرطاں پاروں مالی بوجھ پئے رہیا ہے۔ انہاں دا آکھنا سی کہ حالیہ عرصے وچ واشنگٹن ولوں کیتے جان والے ایہہ اک ایہو جہے معاہدے دی مثال ہے جس وچ دوجے ملکاں دا فیدہ ہے تے اوہ امریکہ لئی ’منصفانہ‘ شرطاں نال دوبارہ معاہدے دا حصہ بنن لئی گل بات کرن گے۔ امریکہ دے سابقہ صدر اوباما نے 2015 وچ ایہہ معاہدہ کیتا سی تے ایس اعلان تے انہاں دا آکھنا ہے کہ ٹرمپ انتظامیہ ’مستقبل نوں رد‘ کر رہی ہے۔ کینیڈا دی ماحولیات دی وزیر کیتھرین میکینا دا آکھنا ہے کہ کینیڈا نوں ٹرمپ دے ایس فیصلے توں ’بہوں مایوسی‘ ہوئی ہے۔ فرانس، جرمنی تے اٹلی دے رہنماواں نے اک جھُٹ ہوکے بیان وچ ایس معاہدے دے متعلق امریکہ نال دوبارہ کسی قسم دی گل بات نہ کرن دا آکھ دتا ہے۔پیرس معاہدے پاروں امریکہ تے دوجے 197 ملکاں دی ذمہ واری ہے کہ اوہ عالمی درجہ حرارت وچ اضافے نوں دو ڈگری توں تھلے رکھن۔صدر ٹرمپ نے پچھلے سال صدارتی مہم دے دوران آکھیا سی کہ اوہ ایس معاہدے چوں امریکہ نوں کڈھ لین گے تانجے کوئلے تے تیل دی صنعت نوں فیدہ ہووے۔مخالفین دا آکھنا ہے کہ ایس معاہدے چوں نکلنا اصل وچ امریکی صدر دا اک عالمی چیلنج توں پچھے ہٹناہے۔ اقوام متحدہ دے سیکریٹری جنرل انتونیو گوتیرس نے اک وار فیر صدر ٹرمپ نوں اپیل کیتی سی کہ اوہ ایس معاہدے نوں نہ توڑن پر نال ہی انہاں دا ایہہ وی آکھنا سی کہ امریکی موقف دے باوجود ماحولیاتی تبدیلی خلاف جنگ جاری رہے گی۔ مسٹر گوتیرس نے بی بی سی نال گل کردے ہوئے آکھیا ایہہ واضح طور تے اک اہم فیصلہ ہے کیونجے امریکہ دنیا دی سب توں وڈی معیشت ہے۔ پر امریکی حکومت دے فیصلے دے باوجود ایہہ ضروری ہے کہ باقی حکومتاں ایس تے کم کردیاں رہن۔ اِدھر چین تے یورپی یونین دے لیڈراں نے پیرس ماحولیاتی معاہدے توں متعلق اک سانجھا بیان جاری کرن جا رہے نیں۔
امریکی صدر ٹرمپ ولوں پیرس ماحولیاتی معاہدہ توں نکلن دے اعلان بعدوں دنیا ایس نوں رگید رہی ہے۔ اقوامِ متحدہ دے سربراہ انتونیو گوتیریش کے ترجمان نے آکھیا کہ ایہہ بڑی مایوسی والی گل ہے، جداں کہ یورپی یونین نے ایس نوں 'دنیا دا افسوس ناک دیہاڑ' قرار دتا ہے۔ رپبلکن پارٹی دے اک سینئر رہنما نے آکھیا کہ امریکی کوئلے دی صنعت پاروں ایہہ فیصلہ آیا ہے۔ صدر ٹرمپ نے آکھیا سی کہ ایہہ قنون امریکہ نوں سزا دیندا ہے تے ایس توں لکھاں امریکی بیروزگار ہو جان گے۔'ڈزنی دی چیف ایگزیکٹیو ایلون مسک نے وائٹ ہاؤس دی مشاورتی کونسل توں استعفیٰ دے دتا ہے۔ ایلون مسک نے آکھیا کہ 'ماحولیاتی تبدیلی سامنے کھلوتی ہے۔ پیرس توں وکھ ہونا نہ امریکہ لئی چنگا ہے نہ ہی دنیا لئی۔پوپ فرانسس آکھیا ہے کہ ٹرمپ امریکہ دے منہ تے ریپٹاماریا جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels