Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پی آئی اے دے جہاز چوں 20 کلو ہیروئن نکلی،پہلے دسیا جائے کیہہ ہیتھرو والی کہانی جھوٹ سی؟

پی آئی اے دے جہاز چوں 20 کلو ہیروئن نکلی،پہلے دسیا جائے کیہہ ہیتھرو والی کہانی جھوٹ سی؟

وچار ڈیسک
May 23rd, 2017

راولپنڈی: بینظیر بھٹو انٹر نیشنل ائیر پورٹ تے اسلام آباد توں لندن جان والی پرواز چوں برطانیہ ہیروئن سمگل کرن دی کوشش ناکام بنادتی گئی۔ایہہ ہیروئن لندن ہی کیوں جاندی ہے؟ اوتھے کیہڑا نیٹ ورک ہے؟ ہفتہ پہلاں جیہڑا وقوعہ ہیتھرو ائیرپورٹ تے ہویا سی اوس وچ کڈا سچ سی؟نویں خبر اینج بنائی گئی ہے جس پاروں ایہہ لگے کہ ہیتھرو والی خبر ٹھیک سی۔ کیہہ پی آئی اے نوں نجکاری ول دھکیلن والی لابی متحرک ہے؟ وڈے وڈے اینکراں ہیتھرو والی خبر تے بغیر کھوج لائے گلاں کیتیاں سن اتے بی بی سی اْردو دی ہشیار خبر دا افسامہ بنایا گیا سی۔ ہن اج پاکستان دے وڈے اخبارچی نویں خبر نال ہیتھرو دی سچائی ثابت کرن وچ کیوں اگے اگے نیں۔ پئی جہاز وچ ہیروئن لیان لئی ائیرپورٹ توں ہی اندر آنا ہوندا ہے جس دی راکھی کڈیاں ایجنسیاں کر دیاں نیں۔پر میڈیا وچ سارا زور پی آئی اے تے ہی ہے۔
اک وڈے اخبار لکھیا ہے کہ 7 روز وچ ہیروئن برآمدگی دا وڈا واقعہ ایئرلائن لئی دوجا جھٹکا ہے۔ایہہ پہلا جھٹکا ہیتھرو والا سی جس بارے ہفتہ لنگن دے بعد وی کجھ پتہ نہیں۔جے کل نوں اجہی خبراں دی بنیاد تے پی آئی اے دا لندن جانا ڈک دتا گیا تاں ایس وڈے منافع والے روٹ دے بند ہون پاروں پی آئی اے نوں نجکاری ول لیجانا اوکھا نہ رہے گا۔اخبار لکھدا ہے کہ اے این ایف نوں خفیہ ذرائع توں اطلاع ملی سی۔ پرواز نمبر PK-785 توں ہیروئن سمگل کرن دی کوشش کیتی جارہی ہے جس تے اے این ایف تے پی آئی اے دی ٹیماں نے جہاز دی گرینڈ سرچنگ کرکے کیٹرنگ دے سامان دے نیڑے جہاز دے حصے کھول کے چیک کیتے تے انہاں وچ دس دس کلو دے دو تھیلے نکلے جہناں وچ ہیروئن سی۔ سوال تے ایہہ ہے پئی ایہہ مال جہاز تیک کنج آیا؟سیکورٹی دے راکھیاں کولوں پچھنا لوڑی دا ہے۔ پر میڈیا نرا پی آئی اے نوں لما پانا چاہندا ہے یا فیر قابو غریب دا بال ہی آندا ہے۔ جہاز دی صفائی چیکنگ کرن والے تکنیکی عملے سمیت 14 افراد نوں پچھ گچھ لئی شامل تفتیش کرلتا گیا جہناں دے موبائل فون نمبر وی قبضے وچ لے لتے گئے ۔اخبار اج دی خبر وچ لکھدا ہے کہ واضح رہے کجھ دن پہلا ں لندن دے ہیتھرو ائیر پورٹ تے پی آئی اے دے طیارے نوں روک کے تلاشی دے دوران برطانوی حکام ہیروئن دی برآمدگی دا دعویٰ کیتا سی۔ساڈا میڈیا گوری ایجنسیاں دے دعویاں نوں کنج سینے نال لائی رکھدا ہے۔سمگلنگ مافیا نوں پھڑنا لوڑی دا ہے پر ہیتھرو دی خبر بارے جے کوئی پکی گل نہیں تے اوس دا حوالہ کیوں؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels