Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> گوادر: دس مزدور مارے گئے، زیادہ سندھی نیں، بلوچ تے پختون لیڈر شپ خموش

گوادر: دس مزدور مارے گئے، زیادہ سندھی نیں، بلوچ تے پختون لیڈر شپ خموش

وچار ڈیسک
May 13th, 2017

ایہہ پہلی وار نہیں ہویا، بلوچستان وچ پنجابی تے سندھی مزدوراں دی ٹارگٹ کلنگ وچ اوہی طاقتاں ملوث جو بلوچستان نوں باقی ملک توں کٹنا چاہندیاں نیں۔ ایس بارے بلوچستان دی پختون تے بلوچ لیڈر شپ ہی نہیں سگوں این جی اوز وی چپ رہندیاں نیں۔انسانی حقوق کمیشن کدی ایس بارے وی فیکٹ فائنڈنگ مشن کھلے۔اج دی خبر وچ دسیا گیا ہے کہ گوادر وچ پشگان گنز روڈ تے کنسڑکشن سائٹ تے کم کردے غریب مزدوراں نوں مار کے اوہ کس دی خدمتاں کر رہے نیں ایہہ سب اک پرانا کھیڈ۔مرن والیاں دی وڈی گنتری سندھیاں دی جیہڑے نوشہرو فیروز توں روزی روٹی لئی گوادر آئے سن۔ملزم دو موٹر سائیکلاں تے آئے اتے گولیاں مار کے فرار ہو گئے۔کس نوں بلوچستان دی ترقی توں ڈر لگدا ہے؟سمگلراں،سرداراں تے انہاں دے سہولت کاراں دا اک بھنڈار ہے جیہڑا کدی دھرم، فرقے مگر لک کے وار کردا ہے تے کدی قوم پرستاں دا چولا پا لیندا ہے۔گودر دی ترقی تے چینی سرمایہ کاریاں دے ویری وادھو۔کوئی مار کے لانچاں راہیں دبئی ٹر جاندا ہے تے کوئی دشت وچ لک جاندا ہے۔عام بلوچ وی انہاں توں تنگ پر ایہہ سب 2003توں زیادہ ودھ گیا ہے تے ایس بارے بلوچستان دی مذہبی تے قوم پرست جماعتاں خموش۔لوک گوادر وچ اسارے گئے نویں سیکورٹی اداریاں ول سوال چک رہے نیں۔کاروائی دی ٹائمنگ دس رہی ہے کہ جداں پاکستان دا پہلا ہوئی پاورڈ سولین جتھہ چین دے دورے تے ہے تے اوس نوں ایہہ سنہیا دتا گیا ہے۔گوادر دے سمندراں دی حفاظتاں لئی میری ٹائم سیکورٹی فورس اتے زمینی تھاواں دی سیکورٹی لئی سپیشل سیکورٹی ڈویژن بنائے سن۔پر ٹارگٹ کلر اپنا کم وکھا گئے۔بلوچستان دی سرکار نوں انہاں مزدوراں دے گھروالیاں دی مدد کرنی چاہیدی ہے تے نیشنل پارٹی نوں ایس لئی کردار ادا کرنا لوڑی دا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels