Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> وڈی مچھیاں:4.3 ارب روپے لینے نیں، سیلولر کمپنی دے بنک کاؤنٹس بند، ناں لکھن دی مناہی؟

وڈی مچھیاں:4.3 ارب روپے لینے نیں، سیلولر کمپنی دے بنک کاؤنٹس بند، ناں لکھن دی مناہی؟

وچار ڈیسک
May 7th, 2017

اسلام آباد: ایف بی آر دے لارج ٹیکس پئیر یونٹ (ایل ٹی یو) نے انکم ٹیکس پاروں 4.3 ارب روپے نہ دین تے سیلولرکمپنی دے بنک اکاؤنٹس بند کردتے ۔ تفصیلات دے مطابق ایف بی آر ٹیم نے جمعہ دی صبح سیلولر کمپنی نوں نوٹسز پہنچائے سن۔سیلولرکمپنی دے بلارے رابطہ کرن تے ’’دی نیوز‘‘ نوں دسیا کہ ایہہ معاملہ 2009 توں چل رہیا ہے۔ کمپنی نے ٹیکس گوشوارے فائل کردتے سن پر ایف بی آر نے مزید ٹیکس دا آکھ دتا۔ کمپنی نے ہائی کورٹ توں سٹے آڈر لتا ہویا سی پر ایف بی آر نے بنک اکاؤنٹس فیر وی بند کردتے نیں۔ ایف بی آر دے ذرائع نے دسیا کہ 29 مارچ 2015 نوں انکم ٹیکس آرڈیننس 2001 دی ترمیم شدہ شق (5A) 122 تے عملدر آمد کردے ہوئے سیلولر کمپنی دے ٹیکس دی ری اسسمنٹ کیتی گئی۔ کمپنی نوں دس دتا گیا سی کہ انہاں 4 ارب 30 کڑوڑ روپے دا ٹیکسدینا ہے۔ پرکمپنی نے اسلام آباد ہائی کورٹ توں ڈکو(سٹے)آڈرلے لتا تے ہائی کورٹ نے ٹیکس دی ریکوری نوں سی بی آر سی اے دے فیصلے نال نتھی کردتا اتے 27 اپریل 2017 نوں محکمے دے موقف دی تائید کیتی۔ ایف بی آر نے سیلولر کمپنی نوں ٹیکس ادائیگی دے بہوں موقعے دتے۔ کمپنی نوں آکھیا کہ اوہ اپنے دعوے دے حق وچ دستاویزی ثبوت فراہم کرے پر اوہ اینج کرن وچ ناکام رہی۔ اپیل دے دوران وی اوہ کوئی ثبوت فراہم نہ کرسکی۔ اخیر فیصلہ ایف بی آر دے حق وچ آیا تے ایف بی آر دے ایل ٹی یو اسلام آباد نے کمپنی دے کاؤنٹس بند کرن دا فیصلہ کیتا۔ چیتے رہے کہ ایف بی آر 30 جون تک اپنے ریونیو دے ٹیچیاں3621 ارب روپے وچوں 3500 ارب روپیپورے کرن وچ لگیا ہے تے انہاں دو مہینیاں وچ مزید کاروائیاں دی امیداں نیں۔میڈیا وچ کمپنی دا ناں لکھن دی مناہی ہے اتے ایہہ مناہی نہ تے سیلف سنسر شپ ہے، نہ ہی سراری حکمنامہ سگوں ایہہ میڈیا مالکان تے وڈی کاروباری مچھیاں دا ’’مک مکا‘‘ جاپدا ہے۔دی نیوزوالیاں فیر وی بچ بچا کے خبر لا ہی دتی۔ویسے جے ایف بی آر پانامہ والیاں اٹھ سو بندیاں توں ٹیکس لین دا پربندھ کرے تاں اگلے سال دا ہدف وی ایسے سال پورا ہو سکدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels