Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> کراچی:عالمی گھڑی ساز کمپنی دی جعلی گھڑیاں بنا کے ویچن والا دھر لتا

کراچی:عالمی گھڑی ساز کمپنی دی جعلی گھڑیاں بنا کے ویچن والا دھر لتا

وچار ڈیسک
April 26th, 2017

جعلی کتاباں، جعلی دوائیاں تے ہن جعلی گھڑیاں، ایہو اوہ بندے نیں جیہڑے سب توں ودھ ودھ کے گلاں وی کردے نیں کہ انہاں دے جعلی کماں ول دھیان ہی نہ جائے۔ایہہ مسیتاں، مندراں، امام باڑیاں،گردواریاں تے مزاراں نوں رقماں دیندے نیں تے معتبریاں بنا کے لوکاں نوں کراہے پاندے نیں۔انہاں دا دھرم،مذہب،قومیت ’’جعلی کم‘‘ ہے۔ایہہ تہاڈے اگے پچھے، آل دوال ہر تھاں ویکھے جا سکدے نیں تے اج کل تے اجہے کرندے سیاسی پارٹیاں تے نکے وڈے اداریاں وچ وی وڑ چکے نیں۔ خبر موجب ملزم نوں بولٹن مارکیٹ وچ چھاپہ مار کے پھڑیچیا گیا اتے اوس کولوں ڈپلیکیٹ بنا کے ویچن لئی تیار درجناں گھڑیاں پھڑیاں گیاں۔ہن کتھے ایہہ جعلی گھڑیاں ادارے وچ رلتی دوجے کرندیاں راہیں مڑ مارکیٹ وچ نہ آجان۔ ایس تے کون پہرہ دے گا، پتہ نہیں۔پر اجہے لوکاں تے ہتھ پانا لوڑی دا ہے۔
کراچی ایف آئی اے اینٹی کرپشن سرکل کاروائیاں کردے ہوئے، عالمی شہرت یافتہ گھڑی ساز کمپنی دی کاپی بنا کے فروخت کرن دے الزام وچ رلتی ملزم نوں گرفتار کرلتا ہے۔ وڈی گنتری وچ کاپی کیتیاں گیاں گھڑیاں برآمد کرلتیا ں۔ تفصیلاں موجب ایف آئی اے اینٹی کرپشن سرکل نے عالمی شہرت یافتہ گھڑی ساز کمپنی دی براہ راست شکایت تے اک کاروائی وچ بولٹن مارکیٹ دی گل کورٹ مارکیٹ دی دکان نمبر 31 تے چھاپہ ماریا تے ڈپلیکیٹ بنا بناکے فروخت کیتی جان والیاں گھڑیاں برآمد کرلتیاں۔ ایف آئی اے حکام دے مطابق ملزم کمپنی دی ڈپلیکیٹ گھڑیاں ’’کیسیا‘‘ دے ناں توں تیار کرکے فروخت کرن وچ ملوث ہے۔ ایف آئی اے والیاں صادق ولد رفیق دے خلاف مقدمہ الزام نمبر 17/17 درج کردتا ہے۔سوال ایہہ ہے کیہہ پاکستانی پراڈکٹاں نوں وی ایف آئی اے اینج دا تحفظ دے سکدی ہے یا ایہہ سب نرا ’’باہرلیاں‘‘ لئی ہی ہے۔جد تیک سرکار ملکی پدر تے چیزاں بناون والیاں نوں ایسا بندوبست نہیں دیندی تد تیک اجہے چھاپے گھٹ نہیں ہون گے۔دوجے پاسے اپنی بنائی چیزاں دی رجسٹریشن دا وی ماملہ ہے کہ مقامی نکے وڈے کاروباری ایس دی اہمیتاں نوں سمجھن۔جعلی کاروباراں پاروں جعلی ادارے بندے نیں تے جعلی سیاستاں ہوندیاں نیں تاں مارے اٹھو اٹھ مارن دی تھاں کجھ عقل موت نال کم لینا لوڑی دا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels