Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پنجاب دے ہسپتالاں دا کنٹرول ترک کمپنی نوں دین دا فیصلہ

پنجاب دے ہسپتالاں دا کنٹرول ترک کمپنی نوں دین دا فیصلہ

وچار ڈیسک
April 26th, 2017

فیصل آباد :مسلم لیگ ن دی حکومت نے پنجاب بھر دے تمام وڈے ہسپتالاں دا کنٹرول ترک کمپنی نوں دین دا فیصلہ کیتا ہے۔ منصوبے لئی کمپنی نال تمام معاملات طے پا چکے نیں تے ایس تے عمل در آمد شروع وی ہوچکیا ہے۔ نیوز لائن پاروں وزیر اعلیٰ پنجاب میاں شہباز شریف نے فیصلہ کیتا ہے کہ پنجاب دے سارے وڈے ہسپتالاں دا انتظامی کنٹرول ترک کمپنی نوں دے دتا جائے گا۔ صوبائی حکومت ولوں ہسپتالاں نوں ملن والے فنڈز اسی طرح دتے جاون گے تے علاج معالجے دے حوالے نال پالیسی وی صوبائی حکومت ہی بنائے گی۔ ڈاکٹراں، پیرا میڈیکل سٹاف، نرساں تے دوجے سٹاف نوں رکھن تے انہاں نوں کڈھن دا اختیار ترک کمپنی نوں دے دتا جائے گا۔ کمپنی کسی وی ڈاکٹر یا سٹاف ممبر خلاف کاروائی کرسکے گی تے انہاں نوں ملازمت توں برطرف کرسکے گی۔ ایس توں علاوہ تمام انتظامی اقدامات کرن لئی وی کمپنی مکمل طور تے با اختیار ہوئے گی۔ ملتان وچ اک وڈا ہسپتال تجرباتی طور تے ایس کمپنی نوں دے وی دتا گیا ہے۔ اگلے مرحلے وچ فیصل آباد، لہور، پنڈی، سرگودھا، گوجرانوالہ، بہاولپور دے ہسپتالاں نوں ایس کمپنی دے حوالے کرن لئی اقدامات کیتے جارہے نیں۔پی ٹی سی ایل دی مثال ساڈے سامنے کہ ایس تجربے نال ٹیلی فون دے محکمے دی صورتحال چنگی ہوئی اتے فون دی سہولت سستی وی ہوئی تے آسان وی۔ ایہہ اک وڈا عوامی مسئلہ ہے اتے لوک سستا تے چنگا علاج چاہندے نیں۔ایہہ علاج ڈاکٹراں دی تنظیماں انہاں نوں دین ،پبلک پرائیوٹ بندوبست نال یا کوئی باہرلی کمپنی عام آدمی نوں ایس نال کوئی غرض نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels