Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> سی پیک نوں متنازعہ بناون دیاں کوششاں

سی پیک نوں متنازعہ بناون دیاں کوششاں

وچار ڈیسک
April 26th, 2017

پاکستان تے ایس توں باہر اک لابی پوری کوششاں وچ لگی ہے کہ سی پیک بارے جڈے شکوک ودھن گے، جڈے پھڈے پین گے اوس نوں ودھایا جائے۔ اوہ عدالتاں توں میڈیا تیک ہر تھاں متحرک نظر آندے نیں۔
نویں خبر پاکستان اکانومی واچ ولوں جاری کیتی گئی ہے۔ ایس اکانومی واچ نوں سانوں آف شور ٹیکس چوریاں بارے تفصیلاں دینیاں چاہیدیاں سن۔ پر انہاں نوں بس سی پیک ہی یاد ہے۔ انہاں دا آکھنا ہے کہ سی پیک منصوبیاں نوں غیر ضروری طور تے لکایا جارہیا ہے۔ عام لوکاں نوں ہر گل دا پتہ ہونا چاہیدا ہے۔ چینی کمپنیاں نوں ٹیکساں وچ چھوٹ دتی جارہی ہے۔ ایہہ گلاں پی ای ڈبلیو دے پردھان ڈاکٹر مرتضیٰ مغل ہوراں دسیاں نیں۔ انہاں آکھیا کہ 150ارب دی ٹیکساں وچ چھوٹ چینیاں نوں دتی گئی ہے۔ مغل ہوری پہلاں ایہہ دسن کہ مغرب تے امریکہ نوں اج تیک کڈی چھوٹ ملدی رہی ہے۔ انہاں ایس ڈر داوی اظہار کیتا کہ سی پیک توں ملن والیاں زیادہ تر نوکریاں چینی لے جاون گے۔ پر اوہ ایہہ نہ دس سکے کہ وڈے وڈے بیرونی پراجیکٹاں وچ جیہڑے مغرب ولوں آندے سن کیہ ہوندا سی۔ اج انہاں دی گل وچ وزن ودھ جاندا جے انہاں پچھلے دہائیاں وچ مغرب ولوں آون والے پراجیکٹاں بارے وی اینج وی گلاں کیتیاں ہوندیاں۔
اخیر انہاں نوں ماحولیات دا خیال وی آگیا کہ انہاں سرکار نوں ایسی سٹڈی کروان دا آکھیا جس پاروں پتہ چلے کہ سی پیک دے منصوبیاں نال ماحول تے کڈا بھیڑا اثر پئے گا۔ پاکستان وچ چینی سرمایہ کاری دے مخالفاں دی دلیلاں اپنی تھاں دلچسپ کہ اوہ ایہہ گلاں ہر سرمایہ کاری بارے کردے تاں اج انہاں دی گل سب سن دے۔ عدالتاں تو میڈیا تیک ایس مہم دے تانے بانے کتھے تیک جاندے نیں ایس دا اندازہ لانا اوکھا نہیں۔اک پاسے سی پیک بارے مہماں چل رہیاں نیں تے دوجے پاسے اساں اپنا بوتھا آپ سوجا رہے ہاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels