Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> دُدھ نہیں چٹا کمیکل: گیارہ کمپنیاں نوں ڈبے تے’’ایہہ ددھ نہیں‘‘ لکھن دا حکم۔ پنجاب فوڈ اتھارٹی

دُدھ نہیں چٹا کمیکل: گیارہ کمپنیاں نوں ڈبے تے’’ایہہ ددھ نہیں‘‘ لکھن دا حکم۔ پنجاب فوڈ اتھارٹی

وچار ڈیسک
April 7th, 2017

ترنگ، قدرت، ایوری ڈے، ڈیری کوئین والیاں اپنے ڈبیاں تے لکھ دتا کہ ایہہ دُدھ نہیں۔ پر باقی کیوں نہیں لکھیا ایس بارے ہن کیہ ہوسی؟میڈیا نے تے باقی ست کمپنیاں دے ناں وی نہیں چھاپے کہ اشتہارجو لینے ہوندے نیں۔اْردو میڈیا تے اجہی خبراں چھاپدا ہی نہیں۔ پنجاب فوڈ اتھارٹی والیاں مارچ وچ دُدھ نما کیمکل ویچن والی کمپنیاں نوں دس دتا سی کہ تسی چاہ دا رنگ چٹا کرن ولا پوڈر Tea Whitener ویچدے ہو اتے ایس نوں دُدھ آکھدے ہو ۔ہن ایہہ کم بند کرو۔ ڈبے دے 15 فیصدی حصہ تے لکھو کہ ایہہُ ددھ نہیں۔ اتھارٹی ایہہ وی دسیا پئی اساں سٹوراں والیاں نوں پھڑاں گے جیہڑے ایس لکھت توں بغیر ددھ دے ڈبے ویچن گے۔ میڈیا نوں چاہیدا ہے پئی اوہ وڈے سٹوراں تے رپوٹراں نوں گھلن اتے نکے وڈے شہراں وچ عام لوک آپ فلماں بناکے سوشل میڈیا تے لاون تانجے جعلی دُدھ والیاں دا کم ماٹھا ہوسکے۔ایہہ وی پتہ چلے کہیڑا دکاندار آپدی سوشل ذمہ واری پوری کردا ہے تے کیہڑا نہیں۔ پنجاب فوڈ ارتھارٹی دے نورالامین مینگل ہوراں دسیا ہے کہ ہن کاروائی دا ویلہ آرہیا ہے۔ کیونجے اساں کمپنیاں نوں جون توں پہلاں ایہہ کم کرن دا آکھ دتا سی۔ ایہہ گل سب جاندے نیں کہ جس کمیکل نوں دُدھ آکھ کے چائے نوں چٹا کرن لئی ورتیا جاندا ہے اوہ بچیاں تے بھیڑا اثر پاندا ہے۔ ڈاکٹر وی مریضاں نوں ایہہ پوڈر دُدھ پین توں روکدے نیں۔ پوری دنیا وچ ایس بارے بہوں وڈی مہماں چلیاں نیں۔ ایہہ وی لوڑی دا ہے پئی ایہہ لکھت متھے تے لکھی ہوئے تانجے شہری ایس نوں پڑھ سکن اتے جنج پراڈکٹ دا ناں دوروں پڑھیا جاسکدا ہے اینج ہی ایہہ لکھت وہ پڑھی جا سکے۔ ایہہ نہ ہوئے پئی کمپنیاں وڈے شہراں وچ تے لکھت والے ڈبے گھل دین تے چھوٹے شہراں وچ ایہہ نہ کرن۔ تاں مارے میڈیا تے سول سوسائٹی نوں کردار ادا کرنا لوڑی دا ہے۔چھوٹے شہراں تے پنڈاں والیاں نوں سوشل میڈیا راہیں اجہے بغیر لکھت دے ڈبیاں دی فوٹواں تے فلماں پھیلانیاں چاہیدیاں نیں۔سوال اوس وائٹنر دا وی ہے جیہڑا کھلا وکدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels