Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> سوئس بینک پاکستان دے نویں، پرانے اکاوئنٹ ہولڈراں بارے دسن گے؟

سوئس بینک پاکستان دے نویں، پرانے اکاوئنٹ ہولڈراں بارے دسن گے؟

وچار ڈیسک
March 9th, 2017

پاکستان وچ پچھلے 60 سالاں توں سوئس اکاوئنٹاں دا ناں ہر کوئی لیندا رہیا ہے۔ پانامہ تے کل دی گل ہے پر پاکستان توں جہناں لوکاں سوئس اکاوئنٹ 1960 دے دہاکے توں کھولے سن جے انہاں دی تفصیلاں سامنے آجاون تاں ایتھے ہون والی محلاتی ساز شاں دا کھرا وی مل جاسی۔ وزیر خزانہ اسحاق ڈار کل قومی اسمبلی نوں ایہو امیداں دوائیاں نیں کہ گھٹ و گھٹ نویں سوئس خفیہ اکاونٹ نہیں بنن گے۔۔ انہاں دسیا پئی پاکستان 21 مارچ نوں ٹیکس حوالیاں نال اک معاہدے تے سوئیٹزر لینڈ نال دستخط کررہیا ہے۔ اساں ترے سال توں اجہیا معاہدہ کرن دے حوالے نال سوئس حکام نال رابطے وچ ساں۔ شروع وچ سوئس سرکار نے چار شرطاں رکھیا سن پر اساں ایس بارے گل بات کیتی۔ پہلی شرط ایہہ سی کہ پاکستان سوئیٹزرلینڈ نوں MFN سٹیٹس دے۔ ایس دے نتیجہ وچ پاکستان نوں شپنگ وغیرہ دے شعبیاں وچ سوئس سرکار یا باشندیاں کولوں ملن والے ٹیکس دی رقماں گھٹ جا سن۔ فیر اوہ چاہندے سن پئی جیہڑے پاکستانی طالب علماں یا دوجے شہریاں نوں سوئیٹزر لینڈ رہن پاروں 18000 فرانک ملدے نیں اوہ گھٹ ہوکے 14,500 ہوجاون۔ پہلاں تے اساں من گئے پر فیر ایس بارے اساں مڑ گل بات کیتی تے سوئس سرکار نوں بغیر شرط دے ٹیکس بارے معاہدہ کرن تے منوا لتا۔ انہاں دسیا پئی جنوری 2014 وچ پاکستان ٹیکس بارے بنے عالمی فورم دی ممبر شپ لین دا کم شروع کیتا سی اتے ستمبر 2016 وچ پاکستان ’’آرگنائزیشن فاراکنامک کوپریشن اینڈ ڈویلپمنٹ ‘‘(OECD) دا 104 واں ممبر بن گیا سی۔ ایس نال پاکستان دوجے ممبر ملکاں نال ٹیکساں بارے معلومات حاصل کرسکدا ہے۔ سوئیٹزر لینڈ وی ایس دا ممبر ہے۔ جداں اساں ممبر بن گئے تاں فیر سوئس سرکار نوں وی اندازہ ہو گیا پئی معلومات تے پاکستان ہن لے ہی سکدا ہے۔ ایس توں بعد اوہ معاہدہ کرن تے راضی ہوگئے۔ ایس قنون بعدوں ہن پاکستانیاں لئی سوئس اکاوئنٹاں وچ اجہی رقم رکھنی ممکن نہیں ہوسی جس دا ٹیکس پاکستان وچ نہیں دتا گیا۔پر کیہہ ایس معادے پاروں پاکستان نوں پرانے پاکستانی کھاتہ داراں بارے وی پتہ چلے گا؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels