Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> ای سی او: ترکی، ایران، پاکستان تے چین رل مل کم کرن گے

ای سی او: ترکی، ایران، پاکستان تے چین رل مل کم کرن گے

وچار ڈیسک
March 1st, 2017

5 سال بعد علاقائی تعاون تنظیم دا اجلاس ہورہیا ہے جس دی نیہاں 1985 وچ پاکستان، ایران تے ترکی رل مل رکھیاں سن۔کیونجے پاکستان افغان جہاد تے طالبانی پراجیکٹاں وچ رجھیا سی تے ایران وی ’’پاسداران انقلاب‘‘ وچ پھسیا سی تاں مارے ایہہ کم توڑ نہ چڑھ سکیا۔پر ترکی دے عالمی کھڈاری بنن اتے پاکستان تے ایران دے پرانے پراجیکٹاں توں نکلن بعدوں کم ٹھیک ہونا شروع ہویا ہے۔ ایس وار کانفرنس دا ٹیچا ’’علاقائی خشحالی تے جڑت‘‘ ہے۔ ای سی او وچ دس ملک ممبررلتی نیں۔ انہاں وچ ازبکستان، ترکمانستان، افغانستان، تاجکستان، کرغیز، قازقستان، آذر بائیجان، ایران، ترکی تے پاکستان رلتی نیں۔ایس وار دے اجلاس وچ افغان صدر نے نہ آکے اپنا ہی نقصان کیتا ہے اتے جے اوس نوں تحفظات سن تے اوہ ایس فورم تے وی گل کرسکدا سی۔ ترکی دے صدرطیب اردگان اتے ایران دے صدر حسن روحانی وی اجلاس وچ رلتی نیں اتے چینی ایگزیٹو و(وائس) خارجہ وزیر ییسوئی ژانگ نوں وی اجلاس وچ خصوصی طور تے بلایا گیا ہے۔چین دی رلت نال ای سی او دی اہمیتاں وادھو نیں۔ ایہہ تنظیم اقوام متحدہ دے ہیٹھ بنائی گئی ہے اتے خطہ وچ تجارتی سرگرمیاں نوں اگے ودھان دا ایجنڈا رکھدی ہے۔پاکستان نون عالمی تنہائیاں وچ دھکیلن دی بھارتی خاہشاں نوں اک ہور دھچکہ لگیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels