Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> خبراں نریاں پی آئی اے بارے ہی کیوں آندیاں نیں؟ایجنڈا صاف جے

خبراں نریاں پی آئی اے بارے ہی کیوں آندیاں نیں؟ایجنڈا صاف جے

February 25th, 2017

پبلک یعنی سرکاری اداریاں نوں ٹھیک ہون دی لوڑی ہے اتے ایس بارے تے کوئی دوجی رائے نہیں، پر ایس دی آڑاں وچ ہور ایجنڈے چلائے جاندے نیں جس تے نظراں رکھنیاں لوڑی دیاں نیں۔ کجھدن پہلے خبر آئی کہ پی آئی اے دی کراچی توں مدینہ جان والی فلائٹ وچ ست مسافراں کھلو کے سفر کیتا۔ایس توں بعد پی آئی اے والیاں انکوئری دی خبر جاری کر دتی۔ایس خبر نوں ہمش وانگ بڑے اہتماماں نال چلایا گیا۔سوال تے ایہہ ہے پئی ساڈے’’ آزاد‘‘ یعنی ’’پرائیوٹ‘‘ میڈیا وچ بھیڑی خبراں ہمیشہ سرکاری اداریاں بارے ہی کیوں آندیاں نیں؟ آئے دن نجی ائیر لائناں وچ مسائل نظر آندے نیں۔نجی ائیرلائناں دی فلائٹاں وی 24، 24 گھنٹے، وقفے وقفے نال لیٹ ہوندیاں نیں تے مسافراں نوں دسیا وی اخیر تے جاندا ہے۔ سامان دے لیٹ ہون تے مسافراں دے پریشان ہون بارے ائیرپورٹ چار، پنج گھنٹے گذارن نال ہی لگ پتہ جاندا ہے۔پر نجی ائیر لائناں دے اجہے کماں بارے خبراں اخبار یا چینل دی زینت نہیں بن دیاں۔ جے بن جائے تے چینل یا اینکر آکھدا ہے ’’ایک نجی ائیر لائن میں فلاں بات ہوگئی‘‘۔ہلے کل فیصل آباد وچ اک جہاز ڈگا سی تے کئی چینلاں تے کمپنی بہادر دا ناں ہی نہیں لتا گیا۔نہ کسے انکوائریاں دا سوال چکیا تے نہ طنزیہ میوزک بیک گراونڈ وچ چلیا۔کوئی سول ایوی ایشن اتھارٹی نالوں گل بات ہی کر لیندا؟کیہہ ایہہ کم نرا پی آئی اے لئی ہی ہے؟ ایہہ کہیڑا ایجنڈا جے؟ پی آئی اے دا ناں تے فٹ سارے لے لیندے نیں پر نجی ائیر لائن دی کارو باری ساکھ دی فکر آزاد میڈیا نوں کھائے جاندی ہے۔سرکاری اداریاں دی ساکھ دا تے کوئی خیال نہیں پر نجی ہوٹل، سکول،ائیرلائن بارے بڑا محتاط ہے ساڈا جیدار میڈیا۔کل ہی اک سب توں وڈے پاکستانی چینل تے شادی دے موقعہ تے دلہا نوں پھڑن دی خبر چلی تے خبرچی ہوراں آکھیا پئی لوکاں پلس کولوں دلہا نوں چھڈا لتا تے پلس نوں ’’پھینٹی‘‘وی لائی۔جے ایہہ وقوعہ ہویا وی ہے تے ایس نوں کنج رپورٹ کرنا ہے؟ ایہہ خبر اک قنون دے راکھے ادارے بارے ہے۔پلس دی زیادتیاں نوں رپورٹ کرنا ہور گل ہے۔جے ایہہ کوئی ہور ادارہ ہوندا تے یا تے خبر ہی نہیں آنی سی یا پھیررپورٹ وچ قنون دے احترام دا سبق ہونا سی۔کیہہ پلس یا پی آئی اے ’’فالتو‘‘ مال ہے؟ ایہہ سب اک تماشہ ہے جس دا اُلار یا تے ایس پاسے ہے کہ ملک وچ کجھ ادارے’’چنگے‘‘تے کجھ ’’بھیڑے‘‘ نیں اتے یا پھیرکجھ پبلک اداریاں نوں پرائیوٹائز کرن دی مہماں نیں۔گھٹ و گھٹ رپورٹنگ تے پروگراماں نوں ویکھ کے ایہو جاپدا ہے۔ میڈیا تے ٹیکر چلدا ہے تے سرکاری ادارہ اگلے دن تحقیقاں دا اعلان کردیندا ہے۔ کدی میڈیا کسی نجی ائیر لائن نال کم کر چکے لوکاں نوں وی بلائے تے اوہ دسن پئی اوتھے کڈے مسئلے نیں۔ پر ہورے رپورٹراں نوں ہور ہدئیتاں ملیاں ہوندیاں نیں یا اساں ایہہ آکھیے پئی نجی کمپنیاں دی حمائیتاں کرنیاں نجی میڈیا دی ڈیوٹیاں وچ رلتی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels