Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> 2050 وچ عالمی اکانومی:چین پہلے، امریکہ تیسرے تے بھارت دوجے نمبر تے، پہلے 16 وچ پاکستان وی رلتی۔ عالمی رپورٹ

2050 وچ عالمی اکانومی:چین پہلے، امریکہ تیسرے تے بھارت دوجے نمبر تے، پہلے 16 وچ پاکستان وی رلتی۔ عالمی رپورٹ

وچار ڈیسک
February 7th, 2017

روسی ٹی وی اک عالمی معاشی رپورٹ نوں خبراں دا حصہ بنایا ہے جس نوں پی ڈبلیو سی والیاں جاری کیتا ہے۔ ایس وچ 32 ملکاں دا سروے کردے ہوئے لکھیا ہے پئی 2050 وچ کیہڑا ملک کتھے ہوسی۔رپورٹ دا لنک وی تھلے دے رہے ہاں تانجے سند رہے۔ہور تے ہور،سلطنت برطانیہ دسویں نمبر تے آجاسی، انڈونیشیا، روس تے جرمنی توں وی تھلے۔فرانس دا وی ایہو حال ہو سی جہیڑا برطانیہ توں وی تھلے جا سی۔اینج اوہ دو طاقتاں جنہاں 100 سال پہلاں دنیا نوں اپنے مفاداں پاروں ونڈیا سی اوہ ہن بربر تھلے جا رہے نیں۔ انڈونیشیا دا نمبر چوتھا ہوسی اتے چین دا نمبر اج وی پہلا ہے تے2050 وچ وی پہلا ہی رہ سی۔ دوجے نمبر تے بھارت اتے تریجے تے 6 ویں نمبراں تے امریکہ تے روس ہوسن۔ رپورٹ دا ناں ہے ’’2050 تیک عالمی اکانومی وچ کیہ تبدیلیاں آسن‘‘۔ برازیل دی اکنانومی وی 7 ویں توں 5 ویں نمبر تے آجائے گی۔ رپورٹ وچ لکھیا ہے پئی 2050 تیک چین دی جی ڈی پی 58.5 ٹریلین ڈالر تیک اپڑجاسی۔ سعودی عرب، ترکی تے مصر پاکستان توں اتے ہون گے اتے ایران دا نمبرپاکستان توں بعدوں یعنی 17 واں ہوسی۔
رپورٹ موجب اگلے 30,20 سالاں وچ پاکستان، روس، چین، بھارت بارے چنگیاں امیداں نیں۔ پر سوال ایہو ہے پئی جے بھارت ’’پنگے‘‘ پاندا رہیا اتے پاکستان نال بدوبدی دے جھیڑے جاری رکھے تے اوس دا اثر بھارتی اکانومی تے بہوں بھیڑا پئے گا۔انہاں چاراں ملکاں دی سرحداں ملدیاں نیں اتے انہاں وچ جہیڑیاں دا نقصان وی سب نوں ہوئے گا۔چین نون سب توں گھٹ اتے بھارت نوں سب توں ودھ۔جے اج بھارت گجرال فارمولے تے چل رہیا ہوندا تاں اوس دی صورتحال چنگی ہوندی۔انہاں آپسی جہیڑیاں مگر این ملکاں وچ کون کون ہے ایس تے نطر رکھنی لوڑی دی ہے۔ایس عالمی رپورٹ وچ یورپ تے امریکہ دی تھلے جاندی صورتحال بارے اعداد و شمار دتے گئے نیں۔پر امریکہ دی ایڈی بھیڑی حالت نہ ہو سی البتہ اوہ دوجی وڈی اکانومی توں تریجے نمبر تیک آسکدا ہے۔ہن تساں سمجھ ہی سکدے ہو پئی یورپ وچ نسلی انتہا پسند قوم پرستاں مگر کہیڑا مائنڈ سیٹ ہے اتے بریگسٹ تے ٹرمپ دنیا نوں کیوں ڈرا رہے نیں۔
رپورٹ دا لنک ایہہ ہے، تساں وی ویکھ لو
http://www.pwc.com/gx/en/world-2050/assets/pwc-world-in-2050-summary-report-feb-2017.pdf


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels