Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> جعلی دُدھ:16 چوں نرے چھ برانڈ ٹھیک نیں باقی سب خراب۔ وزیر رانا تنویر،چور گجراں توں بازی لے گئے

جعلی دُدھ:16 چوں نرے چھ برانڈ ٹھیک نیں باقی سب خراب۔ وزیر رانا تنویر،چور گجراں توں بازی لے گئے

February 1st, 2017

ددھ دچ ملاوٹاں وچ وڈے وڈے کھڑپینج گوڈے گوڈے ملوث تے اساں پانامہ پانامہ کر رہے ہاں۔گھر دے چور نوں کوئی نہ پھڑدا،جہیڑا ڈاکہ دن دھاڑے پائے۔دُدھ وچ خراب بیکٹریا نوں مارن لئی جڈے اگ دے سیک (ہیٹ) دی لوڑ ہوندی ہے اوس نوں چھ برانڈاں توں اڈ کوئی فالو نہیں کررہیا۔ایہہ تے نرا اک رپورٹ وچ سامنے آیا جے۔ ہلے دو ہور رپورٹاں آونیاں نیں۔ ایہہ گلاں قومی اسمبلی وچ دسیاں گیاں اتے دسن والا کوئی ہور نہیں سگوں سائنس تے ٹیکنالوجی دے وفاقی وزیر رانا تنویر سن۔ انہاں قومی اسمبلی وچ اک لکھت وی جمع کروائی۔ ایس لکھت وچ دسیا گیا سی پئی ریسرچ دے سرکاری ادارے پاکستان کونسل آف سائنٹفک اینڈ انڈسٹریل ریسرچ (PCSIR) دسیا ہے پئی اساں 16 دُدھ دے برانڈاں نوں چیک کیتا سی اتے انہاں وچوں 6 صحیح سن۔سانوں سپریم کورٹ نے ایہہ کرن نوں آکھیا سی۔ دسمبر 2016 نوں اساں ایہہ رپورٹ سپریم کورٹ وچ پیش کردتی سی۔ سپریم کورٹ وچ بیرسٹر ظفر اللہ ولوں پٹیشن تے مقدمہ چل رہیا سی جس وچ جعلی دُدھ بارے گل کیتی گئی سی۔ سپریم کورٹ نے 16 ستمبر 2016 نوں زرعی یونیورسٹی فیصل آباد، گھوڑا ہسپتال لہور(ویٹنیری یونیورسٹی) تے پی سی ایچ آئی آر نوں دُدھ بارے رپورٹاں تیار کرن دا آکھیا سی۔ ایہہ مقدمہ چیف جسٹس سن رہے نیں اتے ہلے ایس دا فیصلہ نہٰں آیا۔ باقی دو کھوجی اداریاں اپنی رپورٹاں دتیاں نیں یا نہیں ایس بارے خبر وچ کوئی گل نہیں ہے۔ دُدھ دا کارویہار بہوں وڈا ہے ایس لئی عدالتاں تے میڈیا نوں ایس بارے دھیان رکھنا ہوسی۔سوال تے ایہہ وی ہے پئی بانی، ددھ ورگیاں عام ورتارے دی شئے واں بارے ایہہ کھوجی ادارے آپ تحقیقاں کیوں نہیں کردے۔انہاں نوں عدالتی حکم دی اْڈیکاں کیوں؟ ڈان نے خبر تے چھاپی ہے، چنگی گال ہے، پر ایس دا فیڈ بیک کدوں آئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels