Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> اک ورھے وچ 2000 ارب روپئے توں ٹیکس چوری: جارجیا یونیورسٹی

اک ورھے وچ 2000 ارب روپئے توں ٹیکس چوری: جارجیا یونیورسٹی

وچار ڈیسک
August 28th, 2014

پاکستان وچ 2 ہزار ارب روپے سالانہ توں ودھ دی ٹیکس چوری دی رپورٹ کارروائی لئی وزیراعظم میاں نواز شریف وزیر خزانہ تے نیب نوں گھل دتی گئی اے۔ میڈیا رپورٹاں موجب ٹرانسپرنسی انٹرنیشنل ولوں وزیراعظم نوں گھلی جان والی رپورٹ وچ دسیا گیا ا یکہ ملک وچ 2 ہزار ارب روپے سالانہ توں ودھ دی تیکس چوری ہو رہی اے سٹڈی وچ وی ایہہ گل ساہمنے آ چکی اے کہ پاکستان وچ سالانا 1800 ارو روپئے توں ودھ دی ٹیکس چوری ہو رہی اے۔ اوہناں دا کہنا اے کہ ایہناں امیر ترین لوکاں نوں ٹیکس نیٹ وچ لیان لئی ٹیکس چوری وچ رلتی 3 لکھ توں ودھ لوکاں دی فہرست تیار کیتی گئی اے۔جیہناں وچوں 1 لکھ 20 ہزار بندیاں نوں پچھلے مالی ورھے وچ نوٹس جاری کیتے جا چکے نیں تے ہور 1 لکھ 20 ہزاربندیاں نوں جاری مالی ورھے نوٹس جاری کیتے جاون گے۔ ایف بی آر وسیلیاں دا کہنا اے کہ ٹارپ لئی کروائی جان والی رپورٹ عالمی بینک نوں وی گھلی جا چکی اے۔ وسلیاں موجب ایف بی آر ولوں بین الاقوامی سینٹر برائے پبلک پالیسی راہیں جارجیا یونیوسٹی توں کرائی جاون والی سٹڈی والی ایس رپورٹ مطابق پاکستان وچ 1855.254 ارب روپے سالانہ دی ٹیکس چوری ہو رہی اے جیہڑی ایف بی آر ولوں ملی ٹیکس وصولیاں توں وی ودھ اے۔ وسیلیاں دا ہور کہنا اے کہ رپورٹ شرح دے حساب نال پاکستان وچ سبھ توں ودھ ٹیکس چوری مائننگ تے کان کنی وچ ہو رہی اے۔ جیہڑی 103.4 فیصد سالانا اے۔ رپورٹ دے مطابق رقم دے لحاظ نال سبھ توں ودھ ٹیکس چوری فنانس اینڈ انشورنس دے شعبے وچ ہو رہی اے۔ جیہدے مالیت 1283.516ارب روپے اے۔ وسیلیاں دے مطابق رپورٹ وچ ایہہ وی انکشاف کیتا گیا اے کہ پاکستان وچ سروسز سیکٹر ولوں ٹیکس کمپلائنس دی شرح بہت گھٹ اے تے ایہدے وچ بتدریج کمی واقع ہو رہی اے تے ایہدے وچ بینکنگ انڈسٹری بہت اہم حصہ اے۔ رپورٹ وچ ایہہ وی کہیا گیا اے کہ بھاری ٹیکس شرح ملک وچ ٹیکس چوری دی وڈی وجہ اے جد کہ ٹرانسپرنسی انٹرنیشنل ولوں وزیراعظم، وزیر خزانہ، چیئرمین ایف بی آر تے نیب نوں گھلی جاون والی روپورٹ وچ دعویٰ کیتا گیا اے کہ ملک وچ 2 ہزار ارب روپے توں ودھ دی ٹیکس چوری ہو رہی اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels