Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> کالے دھن نوں سفید کرن دی صلاح

کالے دھن نوں سفید کرن دی صلاح

لوکائی
November 29th, 2013

وزیر اعظم نواز شریف نے تجارت تے سرمایہ کاری دی حوصلہ افزائی لئی بھرویں مراعاتی پیکیج دا اعلان کیتا اے جیہدے مطابق ڈھائی کروڑ رُپئے یاں ودھ دی سرمایاکاری کرن والیاں کولوں سرمائے دے وسیلے بارے پُن چھان نہیں کیتی جاوے گی بزنس ایڈوائزری کونسل دے قیام دا اعلان کردے ہویاں وزیر اعظم نے آکھیا کہ جیہڑے لوک پچھلے سال نالوں 25 فیصد ٹیکس دین گے‘ اوہناں دا تفصیلی آڈٹ نہیں ہووے گا۔ سبھ توں ودھ کے ٹیکس دین والیاں نوں ائرپورٹ اُتے وی آئی پی لاؤنج‘ فاسٹ ٹریک امیگریشن کلیئرنس تے اعزازی پاسپورٹ دی سہولت وی دِتی جاوے گی تے قومی دناں دیاں تقریباں وچ وی اوہناں نوں سدیاجاوے گا۔
وزیر اعظم ایدوں پہلاں بنکاک وچ خطاب کردیاں بدیسی سرمایا کاراں نوں وی دعوت دے چکے نیں تے دس چکے نیں کہ پاکستان سرمایاکاری واسطے اک بہت مناسب دیس اے۔ اجے بدیسی سرمایاکاراں ولوں ایس سلسلے وچ کوئی ہنگارا ساہمنے نہیں آیا۔
اصلوں سرمایاکاری دا تعلق منافع کمان نال ہوندا اے۔ کوئی وی سرمایادار ثواب کمان لئی کارخانہ نہیں لاندا سگوں اوہدا مقصد پیسہ کمانا ہوندا اے۔ کارخانہ لاون واسطے سستی مزدوری‘ بجلی‘ گیس تے خام مال دی دستیابی دا گوڑھا تعلق ہوندا اے۔ پاکستان وچ جتھے بجلی دنیا دی سبھ توں مہنگی بجلی وجوں دستیاب اے تے امن امان دی ایہہ حالت اے کہ ہر چار پیسے کمان والے نوں اغوا برائے تاوان دا خطرہ اے‘ ایہو جیہے دانے پان نال سرمایہ دار دا آونا ممکن نہیں۔
وزیر اعظم ہوراں پاکستانیاں نوں سرمایاکاری دی دعوت دیندے ہویاں مونہہ وچ پانی لیاون والیاں پیش کوششاں کیتیاں نیں۔ ڈھائی کروڑ یاں ودھ سرمایاکاری کرن والے واسطے کسے قسم دی پچھ گچھ نہ کرنا کالے دھن نوں سفید کرن تے کرپشن نوں تحفظ دین والی گل ای آکھی آسکدی اے۔ ایہہ ناجائز کمائی نوں جائز بنان دی اک پیش کش اے جیہدے نال ملک دا تھوڑا بہت بھلا ہونا وی ممکن اے۔ ساڈے ایتھے ہزاراں رُپئے تنخواہ لین والے سرکاری ملازم دی تنخواہ وچوں ٹیکس زبردستی کٹ لیا جاندا اے‘ سگوں ودھ کٹیا جاندا اے تے بعدوں اوہ پیسے واپس لین لئی کھجل ہوندا پھردا اے جد کہ سرمایا دار اپنے آپ نوں ٹیکس توں پاک سمجھدے نیں۔ جیہڑے سرمایا کاری کر کے اپنا کالا دھن تے ناجائز کمائی حلال بنا لین گے‘ کون توقع کردا اے کہ اوہ کل نوں ٹیکس وی دین گے؟
پاکستان جتھے ٹیکس دین دا کلچر ای موجود نہیں‘ سرمایا کار ارباں کما کے ہزاراں دا ٹیکس دین نوں وی تیار نہیں‘ اوتھے کیہ ساڈے سرمایا کار نکے نکے لالچ‘ قومی تقریباں دے دعوت نامے تے ائرپورٹاں اُتے سوکھی تلاشی ورگیاں رعایتاں توں مطمئن ہو جاون گے؟ کیہ ایہناں کماں لئی کوئی سرمایہ کار لکھاں رُپئے ٹیکس ادا کریا کرے گا؟ ایہہ گل وی سوچن والی اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels