Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> الٹا بیوپار: پاکستان دی ہندوستاں توں چاولادی درآمد

الٹا بیوپار: پاکستان دی ہندوستاں توں چاولادی درآمد

وچار ڈیسک
February 24th, 2012

پاکستان ہندوستان توں  باسمتی چاول منگوا رہیا ہے۔ ایہہ دوہاں ملکاں وچ سانگیاں نوں بہتر بنا سکدا ہے۔ پر چاول ہی کیوں؟ پاکستان تے آپوں اپنی لوڑھوں ودھ چاول پیدا کردا ہے۔ اوہدی پیداوار ساڈھے پنج ٹن دے لاگے ہے تے اوسدی کھپت صرد ڈھائی توں تن ٹن۔ باقی چاول برآمد کرکے اوہ ڈھائی توں تن ارب ڈالر زر مبادلہ کماوندا ہے۔ پھیر ہندوستاں توں چاول کیس کرکے منگوائے جا رہے ہین؟
چاول در آمد کرن والیاں دا کہنا ہے جو ایس نال پاکستان وچ چاول تریہہ توں چالیہہ روپے کلو سستے ہو جاون گے۔ ایس نال عاام کھاون والیاں لئی سوکھ ہووے گی۔ پر  کیہہ ہندوستاں سستا چاول پیدا کردا ہے یا کوئی ہور چکر ہے؟ چکر ایہہ ہے جو ہندوستان چاول برآمد کرن والیاں دو سو ڈالر فی ٹن سبسڈی دے رہیا ہے۔ مطلب اک ٹن چاول برآمد کر لوو تے ہندوستانی سرکار کولوں دو سو ڈالر دا چیک لے لوو۔ ایس لئی ہندوستانی بیوپاری دوجیاں ملکاں نوں سستا چاول برآمد کر سکدے ہین۔ پاکستان دی حکومت فقری ہے اوہ سبسڈی نہیں دے سکدی۔
ہندوستان توں ایس طرحاں  چاول درآمد   دا عام صارف نوں تے لابھ ہووے گا پر چاول اگاون والیاں دا کیہہ بنے گا؟ اوہناں دا چاول گھراں وچ پیا رہوے گا تے اوہ بکھ مرن گے۔ ایہہ وی ہووے گا جو اگلے سال اوہ چاول نہ بیجن تے ملک وچ چاولاں دی گھاٹ ہو و  جاوے  گی۔ پھیر اوہ بیوپاری جیہڑے ہندوستان توں اج  سستا چاول درآمد کر رہے ہین اگلے سال بہت مہنگا چاول درآمد کرن گے کیوں جو ہندوستاں نوں وی پتہ ہووے گا جو پاکستان وچ تھوڑ ہے تے اوہناں چاول منگوانا ہی منگوانا ہے۔
ہندوستان کوئی انوکھا یا الوکار کم نہیں کر رہیا۔ دنیا دیاں سب تگڑیاں حکومتاں اپنے زمینداراں نوں پیراں تے کھلیارن لئی تے عالمی منڈی وچ سستے بھاء ویچن لئی سبسڈی دیندیاں ہین۔ پر ایس نال دنیا دے غریب ملکاں دے زرعی پیداکار مر مک جاندے نیں۔ پاکستان وی  زرعی پیداوار کرن والیاں وی مرن دا سامان بنا رہیا ہے۔چاول درآمد کرن والے بیوپاری وی منافع کما لین گے، کھان والی شہری وی سوکھے ہو جاون گے پر چاول اگاون والے مارے جان گے تے ایسدا اخیر بھیڑا نتیجہ نکلے گا۔ 


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels