Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاکستان وچ کاروبار کرنا ہور اوکھا ہو گیا: عالمی بینک

پاکستان وچ کاروبار کرنا ہور اوکھا ہو گیا: عالمی بینک

وچار ڈیسک
October 20th, 2011

ملکی معیشت دی تباہی دا گویڑ ایس گل توں لایا جا سکدا ہے پئی عالمی بینک نے پاکستان وچ کاروبار کرنا ہور اوکھا متھ دتا ہے۔ جدوں کہ ہندوستان وچ کاروباری حالات چنگے نیں تے رینک 139 توں ودھ کے 132 ہو گیا ہے۔ افغانستان تے بنگلہ دیش وچ صورتحال خراب دسی گئی ہے۔

عالمی بینک ولوں جاری کیتی جاڻ والی رپورٹ موجب سارے جگ وچ کاروبار کرن لئی موافق متھے جاڻ والے ملکاں وچ پاکستان دا نمبر 105 ہو گیا ہے۔ عالمی بینک دی رپورٹ موجب 2011 وچ پاکستان دا رینک 96 نمبر تے سی جیہڑا ہڻ ہور ڈگ کے 105 ہو گیا۔

رینک ڈگڻ دا کارن ملکی معیشت دا کالھی نال لہاء ہے اقتصادی ماہراں موجب پاکستان ایس ویلے بہت مندے معاشی پھردول وچ پھسیا ہے ملک وچ نہ تے بجلی ہے نہ پاڻی تے نہ گیس، سڑکاں ٹٹ بھج دا شکار نیں امن دی صورتحال مندی ہوندی جا رہی ہے تے انج دے حالات وچ عالمی سرمایا کار یاں وڈے کارپوریٹ ادارے پاکستان وچ کاروبار کیوں کرن گے۔

عالمی بینک دی رپورٹ موجب ہندوستان وچ کاروباری صورتحال چنگی ہوئی تے ایہدا رینک 139توں ودھ کے 132 ہو گیا۔ افغانستان دا رینک 154 توں ڈگ کے 160، بنگلہ دیش 118 توں 122، بھوٹان 140 توں ودھ کے 142 تے مالدیپ78 توں 79 تے آگیا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels