Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> "عرب سپرنگ" نال 50 ارب ڈالر دا نقصان

"عرب سپرنگ" نال 50 ارب ڈالر دا نقصان

وچار ڈیسک
October 14th, 2011

اک اجوکی کھوج موجب اُتری افریقہ تے مشرق وسطیٰ دے مسلمان ملکاں وچ لمی شخصی آمریتاں تے بادشاہتاں دے خلاف مشہور عوامی روس وکھالے دی لہر نال علاقے نوں 50 ارب ڈالر توں بہتا نقصان ہویا ہے۔

جیو پولیسیٹی ناں دے ادارے نے لہندے وچ '' عرب سپرنگ '' دے ناں توں مشہور ہوڻ والی ایس عوامی تحریک دے بارے پڻ چھاڻ کیتی ہے۔ کھوج موجب عوامی جھیڑیاں دی سب توں بہتی قیمت مصر، شام تے لیبیا نوں بھرنی پئی ہے۔

رپورٹ وچ خبردار کیتا گیا ہے جو علاقے دے استحکام لئی عرب ریاستاں دی پردھانگی وچ جے کوئی بین الاقوامی پروگرام نہیں بڻیا تے عرب سپرنگ دا الٹا اثر وی ہو سکدا ہے۔

اقتصادی نقصان دا صحیح گویڑ لاؤڻا اوکھا ہے پر موجود انکڑیاں موجب لیبیا نوں 14 اعشاریہ 2 ارب ڈالر، شام نوں 27 اعشاریہ 3 تے مصر نوں 9 اعشاریہ 79 ارب ڈالر دا نقصان ہویا ہے۔

عرب سپرنگ نال سارے علاقے نوں اقتصادی طور تے فیدا اپڑیا ہے اُچیچا تیل پیدا کرن والے ایہناں ملکاں نوں جیہڑی ہڻ تیکر یاں تے شورش توں محفوظ نیں یاں ایہنوں دبڻ وچ کامیاب رہے نیں۔

لیبیا نوں کجھ مہینے جاری رہڻ والی عوامی تحریک توں سب توں وڈا نقصان ہویا ہے جتھے ایس تحریک وچ 7 لکھ بندے دوجے ملکاں وچ پناہ لیڻ تے مجبور ہوئے تے ایس وچکار ملک نوں تیل تے گیس دی سپلائی وچ متاثر ہوڻ نال ملکی معیشت نوں نقصان اپڑیا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels