Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چین دیاں نظراں ہُڻ عرب دنیا نال وپاری تے

چین دیاں نظراں ہُڻ عرب دنیا نال وپاری تے

وچار ڈیسک
September 25th, 2011

عالمی پدھر تے اجکل امریکی تے یورپی معیشتاں اوکڑاں وچ پھاتیاں نیں۔ ایہدے الٹ چین ہڻ ریشم دے تاریخی پچھوکڑ وچ عرب ریاستاں نال آپڻے وپاری سانگے مضبوط بناؤڻ دی کوشش وچ ہے۔ ایس سلسلے وچ چین دی اقلیتی مسلمان آبادی والے اک علاقے نینگشیا وچ اک اہم کانفرنس رکھی گئی۔ شاہراہ ریشم تے ایس اُتری علاقے وچ رکھے اجلاس وچ خلیجی ملکاں دی سیاسی اگوائی تے عرب دنیا توں حکمران خانداناں دے رکناں نے رلت کیتی۔ چین دیاں صنعتی تے وپاری ڈھاڻیاں نال جڑے بندیاں نے اوہناں دی پروہنچاری کیتی۔

خبراں دے ادارے اے ایف پی موجب اجلاس دے رلتی آس مند نیں جو عرب دنیا وچ بدلی دی لہر توں اقتصادی ترقی دیاں نویاں راہواں کھلڻ گیاں۔ ایہو جہے وچ مڑ اساری تے اقتصادی ترقی لئی بیجنگ ول ویکھیا جا رہیا ہے۔

ایہہ اجلاس بدھ نوں رکھیا گیا تے اتوار ایہدا چھیکڑلا دیہاڑا ہے۔ مڈھلے اجلاس نال خطاب وچکار اُچ پدھری چینی عہدیدار جیا کنجی لن دا کہڻا سی جو عرب دنیا دے نال چین دا وپار 30 فیصد سالانہ دی اوسط توں ودھ رہیا ہے۔ کنجی لن چین دے اک آئینی مشاورتی ادارے دے پردھان نیں۔ اوہناں موجب پچھلے دو سالاں وچ چین تے عرب دنیا دے وچکار دو پاسٹر وپاری حجم پینٹھ ارب ڈالر توں ودھ کے اک سو پنتالی ارب ڈالر تیکر اپڑ گیا ہے۔

ایس اہم اجلاس لئی نینگشیا ورگے دور دے علاقے دے چوڻ نوں ایس پاروں اُچیچتا دتی جا رہی ہے پئی ایتھے ہوئی نسل دے کئی مسلمان وسدے نیں۔ اجلاس دے پربندھیاں موجب عرب لیگ وچ رلتی سارے بائی رکناں نے آپڻے نمائندے ایس اجلاس وچ گھلے۔ انج غیر عرب ملکاں اُچیچا افریقی ملکاں دے نمائندے وی اجلاس وچ شریک ہوئے۔ معیشت دے پہیے دی رفتار برقرار رکھڻ لئی توانائی دیاں چینی لوڑاں ایس اجلاس دا مڈھلا نکتہ سی۔ پر مگروں دو پاسڑ پدھر تے مالی خدمتاں، ٹیکسٹائل، صنعتی مشینری،جہاز سازی تے ہوا بازی دے محکمیاں بارے وی کھل کے گل بات کیتی گئی۔

اجلاس وچ رلتی بحرین دے معاشی ترقی بارے ادارے دے پردھان محمد بن عیسیٰ الخلیفہ دا کہڻا سی جو عالمی پدھر تے معاشی کاروائیاں دا دھرا ہڻ مشرق ول مڑ رہیا ہے۔ اک مصری وپاری امر الاداوی دا کہڻا سی جو مصر وچ حسنی مبارک دے دور دے تن دہاکیاں وچ نہ ہوڻ دے برابر ترقی ہوئی تے ہڻ ایہدے موقعے پیدا ہوئے نیں۔ کویت وچ تیل تے گیس دے شعبے نال جڑے اک وپاری خالد الروز موجب ''یورپیاں دی عزت سر اکھاں تے پر اوہناں دے نال وپار کرن وچ کویل تے وپار دے پیمانے بارے اوکڑاں رہندیاں نیں۔''


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels