Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> ایشیائی شیئر بازاراں وچ وی مندی

ایشیائی شیئر بازاراں وچ وی مندی

وچار ڈیسک
September 23rd, 2011

امریکی تے یورپی شیئر بازار وچ مندی دے مگروں جمعے نوں ایشیائی شیئر بازاراں وچ وی مندی دا رجھان ویکھیا جا رہیا ہے۔ شیئر بازاراں وچ ایہہ مندی عالمی مالیاتی اداریاں ولوں اک واری فیر عالمی کساد بازاری دے حالات پیدا ہوڻ توں خبردار کرن توں مگروں شروع ہوئی۔

جمعے نوں ایشیائی منڈیاں وچ کاروبار شروع ہوندیاں ہی دکھڻی کوریا دا مرکزی شیئر بازار کوسپی انڈیکس چار اعشاریہ ست فیصد، آسٹریلیا دا ' اے ایس ایکس' اک اعشاریہ دو فیصد تیکر ڈگ گیا۔ جاپان دا نکی انڈیکس جمعے نوں چھٹی پاروں بند ہو رہیا ہے۔

جمعرات نوں یورپ دی مرکزی شیئر بازاراں وچ پنج فیصد تیکر گراوٹ دے مگروں امریکہ وچ شیئر دیاں قیمتاں وچ وی کمی ہوئی۔

جمعرات نوں عالمی مالی ادارے دے پردھان کرسٹین لیگارڈ نے کہیا سی عالمی معیشت خطرناک صورتحال وچ پھسڻ والی ہے۔ ایس توں پہلوں ورلڈ بینک دے صدر رابرٹ زؤئلک نے کہیا اوہ سمجھدے نیں دنیا خطرے دی حالت وچ ہے۔

عالمی مالی اداریاں دے پردھاناں دے بیاناں شیئر بازار تے بہت اثر پایا حالانکہ پالیسی بناؤڻ والیاں نے یورپ دے قرضیاں دے پھردول نوں نبیڑن لئی بڑیاں کوششاں کیتیاں نیں۔

آسٹریلیا کینیڈا، انڈونیشیا، برطانیہ، میکسیکو، دکھڻی افریقہ تے دکھڻی کوریا نے فرانس نوں اک کھلی چٹھی وچ لکھیا پئی یورپی ملکاں دیاں حکومتاں تے اداریاں نوں یورپی پھردول نال نبڑن لئی بہت چھیتی کاروائیاں کرنیاں ہوڻ گئیاں تے سارے یورپی ملکاں نوں قرضیاں دے پھردول دا مقابلہ کرنا ہووے گا تاں جو عالمی معیشت نوں ایہدے اثراں توں بچایا جاسکے۔
فرانس ایس ویلے جی ٹوئنٹی دا پردھان ہے۔
اک دوجے وڈے گروپ جیہدے وچ چین، روس، برازیل، بھارت، تے دکھڻی افریقہ رلتی نیں کہیا ہے پئی اوہ خورے آئی ایم ایف نوں رقم قرض دیڻ تاں جو اوہ عالمی مالی مسئلیاں وچ مدد دے سکے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels