Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> کراچی وچ وپاریاں نوں روز ڈیڈھ، دو ارب روپئے دا نقصان ہورہیا

کراچی وچ وپاریاں نوں روز ڈیڈھ، دو ارب روپئے دا نقصان ہورہیا

وچار ڈیسک
August 23rd, 2011

کراچی دے سارے وپاری تے صنعتی مرکز بند نیں۔وپاریاں تے صنعت کاراں دا کہڻا ہے پئی شہروچ مسلسل جاری امن دی مندی صورتحال پاروں جتھے کاروبار ممکن نہیں رہیا اوتھے  دیہاڑی دار بندے اک ویلے دی روٹی توں تنگ ہو گئے نیں۔ٹریڈرز ایکشن کمیٹی دے چیئر مین صدیق میمن نے وسیلیاں نوں دسیا پئی شہر وچ امن دی خراب صورتحال پاروں وپاریاں نوں روز ڈیڈھ توں دو ارب روپئے دا نقصان ہوندا ہے۔

اوہناں دا کہڻا سی پئی شہر وچ مسلسل بدامنی تے جھیڑے پاروں وکری پہلوں ہی ستر فیصد تیکر ڈگ گئی ہے۔صنعتی وسیلیاں موجب شہر دا صنعتی پہیہ بند ہوڻ نال یومیہ دس ارب روپئے دے پیداواری نقصان دا خطرہ ہے۔ جیہدے پاروں محصولاں وچ یومیہ تن ارب روپئے دی کمی ہوسکدی ہے۔ اقتصادی ماہراں دا کہڻا ہے پئی معاشی کاروائیاں معطل ہوڻ نال دیہاڑی دار میل سب توں بہتا متاثر ہوندا ہے۔ جدوں کہ شہر وچ بدامن دی لہر پاروں کاروبار ٹھپ تے لوک بے روزگار ہورہے نیں۔ شہر وچ جاری جھیڑے تے امن دی مندی صورتحال نوں ویکھدیاں ہوئیاں وپاریاں تے صنعت کاراں نے حکمراناں توں بے دل ہو کے حکومت توں فوج سدڻ دی منگ کر دتی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels