Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> قرضیاں دے پھردول تے لہندی دنیا دی چنتا

قرضیاں دے پھردول تے لہندی دنیا دی چنتا

وچار ڈیسک
August 7th, 2011

امریکہ تے کجھ یورپی ملکاں نوں پیش قرضیاں دے پھردول نال نبڑن لئی عالمی کوششاں دا سلسلہ تیز ہو گیا ہے۔ ایس حوالے نال اج یورپی مرکزی بینک دا ہنگامی اجلاس وی ہوڻ جارہیا ہے۔

یورپین سہنٹرل بینک گھٹ ہی اتوار نوں کوئی میٹنگ رکھدا ہے پر پچھلے ہفتے وچ مالی منڈیاں وچ کرپشن دی صورت حال دے سلسلے وچ اج یورپی مرکزی بینک دے اُچ پدھری پربندھی اک ہنگامی میٹنگ وچ رلتی ہوڻ گے۔ ایس گل دا امکان ہے جو پیر توں یورپی بینک اطالوی تے ہسپانوی قرضیاں دی خرید دا کم شروع کرسکدا ہے۔ مالی منڈیاں وچ ایس پیش رفت دی بڑی اُڈیک ہے۔ ایس مناسبت نال اتوار نوں کسے اہم فیصلے دا اعلان ہوسکدا ہے۔

اقتصادی ماہراں موجب اٹلی تے اسپین دے قرضیاں دے حجم دے سلسلے وچ کسے عملی کاروائی وچ کویل نال یورپی بینکاں دا نظام ہور پریشانی وچ پے سکدا ہے تے سرمایا کار اگلے ہفتے وچ وی مالی منڈیاں وچ نقصان ہوسکدے نیں۔ پچھلے ہفتے وچ بین الاقوامی مالی منڈیاں وچ بہت مندی ڈھائی ٹریلین ڈالر دے نقصان دا کارن بڻی۔

فرانس دے صدر نکولا سارکوزی نے مالی بدحالی دا احساس کردیاں ہوئیاں برطانوی وزیر اعظم ڈیوڈ کیمرون نال ہفتے دی شام ٹیلی فون تے گل کیتی جیہڑی تریہہ منٹ تیکر جاری رہی۔ برطانوی وزیر اعظم دے گھر توں جاری ہوڻ والے بیان وچ کہیا گیا ہے جو فرانس تے برطانیہ نے یورپی قرضیاں دے بحران تے امریکی کریڈٹ ریٹنگ وچ کمی پاروں ہور تعاون تے رل مل کے کاروائیاں کرن تے ایکا کیتا ہے۔ ڈیوڈ کیمرون اجکل چھٹی تے نیں۔

ترقی کیتے ہوئے ملکاں دے وزیر خارجہ وچکار ٹیلی فونک کانفرنس وی ہفتے نوں ہوئی تے ایہدے وچ وی اجوکے مالی پھردول تے وچار سانجھے کیتے گئے۔اطالوی تے فرانسیسی وزیر خزانہ نے دسیا ہے جو اوہ اپڻے یورپی ہم منصباں دے نال مسلسل رابطہ رکھیا ہویا ہے۔ اج اتوار دے دیہاڑے وی ہور رابطے تے ملڻیاں دا سلسلہ جاری رہڻ دی آس ہے۔

جرمن چانسلر انگیلا میرکل نے امریکی صدر باراک اوباما تے کئی یورپی آگواں نال ٹیلی فون تے گل بات کیتی ہے۔ اوہناں ولوں ایہناں سانگیاں دا مقصد یورو زون نوں پیش قرضیاں دے پھردول تے بین الاقوامی مالی منڈیاں نوں لگڻ والے دھکے دے سلسلے وچ بھلک دے طریقے تے گوہ دسیا جاندا ہے۔ برلن وچ اک حکومتی بلارے دا کہنا ہے جو ایس ٹیلی فونک گل بات وچ اکی جولائی نوں یورو سمٹ دے موقعے تے کیتے گئے فیصلیاں نوں لاگو کرن تے بہت اتفاق پایا گیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels