Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> امریکی بجٹ دا جھیڑا: اوباما دی قوم ساہمڻے تقریر

امریکی بجٹ دا جھیڑا: اوباما دی قوم ساہمڻے تقریر

وچار ڈیسک
July 26th, 2011

امریکی صدر بارک اوباما نے قرضے دے پھردول نوں امریکی معیشت لئی سب توں وڈا خطرہ متھ دیاں ہوئیاں خبردار کیتا ہے پئی جے ایس پھردول دا جھبدے حل نہ کڈھیا گیا تے امریکہ نوں بہت گھاٹا پے سکدا ہے۔ غیر ملکی خبراں دے ادارے موجب پچھلی رات قوم نال خطاب کردیاں ہوئیاں صدر اوباما نے الزام لایا پئی قرضے دو پھردول مکاؤڻ لئی ری پبلکن نال گل بات ملک نوں ایس حالت وچ لے آئی ۔

صدر باراک اوباما نے کہیا تاریخ وچ پہلی واری امریکا دی کریڈٹ ریٹننگ منفی ٹڑپل اے ہو گئی ہے، امریکا وچ کریڈٹ کارڈز تے سود دی دُر ودھ رہی ہے۔ قرضے دی صورتحال تے سیاسی سمجھوتہ کرنا پوے گا پر سمجھوتے نوں اک گندا لفظ بڻا دتا گیا ہے۔ اوہناں دا کہڻا سی جو قرض دے چھیکڑلی حد چھ مہینیاں ودھاؤڻ نال مسئلہ حل نہیں ہووے گا کیوں جو چھ مہینے مگروں امریکا فیر ایس حالت وچ کھلووے گا۔

ایس توں پہلوں عالمی مالیاتی ادارے آئی ایم ایف نے وی امریکہ نوں خبردار کیتا سی پئی اوہ قرضیاں بارے پایا جاڻ والا تعطل چھیتی دور کرے نہیں تاں اوہدی معیشت نوں بہت نقصان ہووے گا۔ دوجے پاسے بین الاقوامی مالیاتی ادارے آئی ایم ایف نے کہیا ہے جے امریکی پارلیمنٹ دے رکناں وچ اگلے ہفتے تیکر قرضے دی نویں حد بارے ایکا نہ ہویا تے ایہدے نال ساری دنیا دی حصص مارکیٹاں تے اثر پے سکدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels