Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> ہندوستان بنگلہ دیش سرحد تے بارڈر بازار

ہندوستان بنگلہ دیش سرحد تے بارڈر بازار

وچار ڈیسک
July 26th, 2011

سانگے چنگے بڻاؤڻ دی کوشش ہیٹھ ہندوستان تے بنگلہ دیش نے سرحد تے بارڈر بازار شروع کیتا ہے، جتھے دوہواں ملکاں دے لوک خریداری کرسکدے نیں۔ اج کانگریس دی صدر سونیا گاندھی نوں سب توں وڈا بنگلہ دیشی اعزاز دتا گیا ہے۔

بنگلہ دیش دے وپار دے وزیر محمد فرخ خان تے اوہناں دے ہندوستانی ہم منصب آنند شرما نے ہفتے نوں ہندوستانی ریاست میگھالیہ دی سرحد تے '' بارڈر بازار '' دا مڈھ رکھیا۔ بنگلہ دیشی خارجہ وزارت دے اک اہلکار نے دسیا '' وزیراں نے دوہواں ملکاں دے قومی جھنڈے اُچے کر کے سرحد تے بازار دا مڈھ رکھیا''۔ اوہناں دسیا جو ایس بازار دے پنج کلو میٹر دے دائرے وچ رہڻ والے لوک ایتھے سامان خرید تے ویچ سکدے نیں۔

بنگلہ دیشی وپار دی وزارت دے پردھان سربراہ خان نے دسیا جو دوہویں ملک آؤڻ والے دناں وچ انج دا دوجا بازار وی کھولڻا چاہوندے نیں۔ جیویں سن انی سوسنتالی وچ ونڈھ توں پہلوں سی۔ انی سو اکہتر وچ مشرقی پاکستان اج دے پاکستان توں اڈ ہو گیا سی تے اوہنوں بنگلہ دیش دا ناں دتا گیا سی۔

پچھلے ڈھائی سال توں ہندوستان تے بنگلہ دیش وچکار ساکاں نوں چنگا بڻاؤڻ لئی جیہڑیاں کوششاں ہورہیاں نیں،بارڈر بازار ایہناں دا اک حصہ ہے۔ ہندوستان نے ہی بنگہ دیش نوں پاکستان توں اڈ ہوڻ وچ مدد دتی سی، ایہدے مگروں وی پچھوکڑ وچ دوہواں ملکاں دے وچکار سانگے کوئی چنگے نہیں رہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels