Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> امریکا دیوالیہ ہو گیا تے معاشی تباہی تیز ہو جاوے گی:اوباما

امریکا دیوالیہ ہو گیا تے معاشی تباہی تیز ہو جاوے گی:اوباما

وچار ڈیسک
July 23rd, 2011

امریکی صدر باراک اوباما دا کہڻا ہے پئی جے امریکہ دیوالیہ ہو گیا تے اوہدی معاشی تباہی تیز ہو جاوے گی۔ امریکی ایوان دے نمائندیاں دے اسپیکر جان بے نر نے امریکی صدر اوباما دی کرڑی نکھیدی کردیاں ہوئیاں قرضے بارے گل بات نوں مکاؤڻ دا اعلان کر دتا ہے۔ صدر اوباما نے اپوزیشن جماعت ری پبلکن مذاکرات دے مکاؤڻ دے مگروں ہنگامی پریس کانفرنس نال خطاب کردیاں ہوئیاں کہیا پئی اوہناں نوں پک ہے جو امریکہ قرضے پاروں دیوالیہ نہیں ہووے گا۔ ایہہ اوہناں دی ذمے واری ہے جو اوہ امریکی لوکائی تے وپار نوں پیش اوکڑاں دور کرن۔

اوہناں داکہڻا سی جو ایس توں اڈ کوئی چارہ نہیں پئی قرضے دی چھیکڑلی حد توں ودھایا جاوے۔ ایس لئی جے کانگریس ایہنوں منظور کر لوے تے اوہ قرضے دی حد ودھاؤڻ گے۔ امریکی صدر دا کہڻا ہے پئی امریکا دیوالیہ ہو گیا تے اوہدی معاشی تباہی ہور ودھ جاوے گی۔ ری پبلکن پارٹی دے رکن تے کانگریس دے اسپیکر جان بینر نے امریکی ٹی وی تے گل کردیاں ہوئیاں کہیا پئی امریکی صدر اوہ کجھ نہیں کرنا چاہوندے جیہدے پاروں امریکیاں دے مسئلے نبڑ سکدے نیں۔

اوہناں دا کہڻا سی جو امریکہ نوں بہت ریونیو ملدا ہے پر ایہدے توں بہتے خرچے ہو گئے نیں جیہناں نوں قابو کرنا ضروری ہے۔ بے نر دا کہڻا ہے پئی امریکا نوں دیوالیہ ہوڻ توں بچاؤڻ لئی کوئی منصوبہ نہیں ہے۔ جان بےنر نے ایوان نمائندگان دے رکناں نوں اک چٹھی وی لکھی ہے جیہدے وچ اوہناں کہیا ہے پئی اوہ وائٹ ہاؤس نال مذاکرات مکا کے سینیٹ دے آگواں نال گل بات شروع کرڻ گے۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels