Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> امداد نہ ملڻ نال پاکستان دا مالی خسارہ جھبدے ودھ گیا

امداد نہ ملڻ نال پاکستان دا مالی خسارہ جھبدے ودھ گیا

وچار ڈیسک
July 12th, 2011

پاکستان لئی امریکی فوجی امداد دی معطلی نال بھاویں فوج دے آپریشنز جھبدے متاثر نہیں ہوڻ گے پر پاکستانی معیشت ایہدے مندے اثراں توں نہیں بچ سکے گی۔

معطل کیتی گئی اٹھ سو ملین ڈالر دی رقم وچوں تن سو ملین ڈالر اوہ نیں جیہڑے اسلام آباد حکومت موجب ملکی فوج تے قومی خزانے توں خرچ کیتے گئے نیں تے امریکہ نے دیڻے سی۔
پاکستان وچ راکھی دے پربندھاں دی ماہر عائشہ صدیقہ دا کہڻا ہے پئی واشنگٹن نے پاکستانیاں دے دل جتڻ دیاں کوششاں وچ ہار من دیاں ہوئیاں ہڻ کمزور مالی حالت تے توجہ رکھی ہے۔ اوہناں موجب '' امریکہ نوں پتہ ہے پئی پاکستان نوں رقم چاہی دی ہے، پاکستان مجبور ہے اوہ امریکہ نال ناطہ نہیں توڑ سکدا۔''

خبراں دے ادارے روئٹرز موجب ایہہ رقم تریہہ جون توں پہلوں پاکستان نوں ملڻی سی پر انج نہ ہوڻ نال پاکستان دا مالیاتی گھاٹا ودھ کے کل قومی پیداوار دے پنج اعشاریہ تن فیصد تیکر اپڑ سکدا ہے۔ پاکستان دا پینترا ہے پئی Coalition Support Fund وچوں ملڻ والی ایس رقم تے اوہدا حق بڻ دا ہے۔پا کستان دی خزانے دی وزارت دے وسیلیاں موجب آس سی پئی ایہہ رقم ملڻ نال مالی گھاٹا گھٹ کے پنج اعشاریہ اک فیصد ہو جاندا۔ وسیلیاں موجب پاکستان نوں پچھلے سال CSF دے سلسلے وچ چھ سو بتی ملین ڈالر ملے سی۔

عالمی منڈیاں وچ تیل دی بہتی قیمت تے پاکستان دیاں اہم برآمداں وچوں اک، کپاہ دی قیمت وچ کمی پاروں پاکستانی معیشت پہلوں ہی دبا ہے۔ ایس تے پچھلے مہینے پاکستان دا کرنٹ اکاؤنٹ دو سو پنج ملین ڈالر سرپلس رہیا پر اجوکے حالات پاروں بھلک نوں صورتحال انج دی ہی رہڻ دی آس بہت گھٹ ہے۔

بھاویں پاکستانی فوج دے بلارے میجر جنرل اطہر عباس آکھ چکے نیں پئی امداد دی معطلی نال اوہناں دے آپریشنز تے اثر نہیں پوے گا کیوں جو ایہہ رقم بھلک دے خرچیاں بارے نہیں سی پر ماہراں دی وڈی گڻتی ایس گل تے اک ہے جو ایہدے نال معیشت تے دو پاسڑ سانگیاں تے دوہنگے اثر پیڻ گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels