Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> ہندوستانی صنعتکار باہرلے ملکاں نوں سرمایا لے جاڻ لئی تیار

ہندوستانی صنعتکار باہرلے ملکاں نوں سرمایا لے جاڻ لئی تیار

وچار ڈیسک
July 9th, 2011

ہندوستان وچ سود دی در وچ وادھے، کئی کمپنیاں وچ ودھدے ہوئے مقابلے، پالیسیاں دے حوالے نال بھیڑے پربندھاں تے بے ایمانی دے اسکینڈلز دے مگروں ملکی کمپنیاں آپڻا سرمایا ہڻ ہور ملکاں وچ گھلڻ دے منصوبے بڻا رہیاں نیں۔

ہندوستان وچ بے ایمانی دی اجوکی واپری وزیر اعظم ڈاکٹر منموہن سنگھ دی حکومت لئی تے پریشانی دا کارن بڻے ہوئے نیں، ملکی سرمایا کار وی ایس بے ایمانی تے بھیڑے پربندھاں پاروں پیدا ہوڻ والی صورتحال تے پریشان نیں۔

سرمایا کاری دے حوالے نال ملک وچ پریشان کرن والے حالات پاروں ہندوستان وچ ربڑ پیدا کرن والے سب توں وڈے ادارے نے آپڻی اگلی سرمایا کاری ملک توں باہر کرن دا ارادہ کر لیا ہے تے اوہ وی دوجے براعظم یعنی افریقہ وچ۔ پیریسنز ملیالم ناں دی کمپنی ملک وچ چاہ دی پیداوار دے حوالے نال وی اہم مقام رکھدی ہے۔ ایہہ کمپنی وی انج دے وڈے سرمایا کاراں وچ رلتی ہے جیہڑے ملک توں باہر سرمایا کاری دا ارادہ کر رہے نیں۔ ہیریسنز ملیالم دا براعظم افریقہ وچ دس ہزار ایکڑ زمین خریدڻ لئی اک سو باراں ملین امریکی ڈالرز خرچ کرن دا منصوبہ ہے۔

ہندوستانی وزیر اعظم منموہن سنگھ نے ایس سال مئی وچ افریقہ دے چھ دناں دے دورے وچ افریقی ملکاں دے نال وپاری سانگے چنگے بناؤڻ، سرمایا کاری ودھاؤڻ تے ترقیاتی مدد دا وعدہ کیتا۔ ایس موقعے تے دو دناں دی ہندوستان افریقہ وپاری سمٹ وی رکھی گئی۔ ڈاکٹر منموہن سنگھ نے 27 مئی نوں تنزانیہ وچ صدر جکایا ککویٹے نال ملنی دے مگروں آپڻے خطاب وچ کہیا : '' تنزانیہ دے نال آپڻی روایتی دوستی نوں ہور پکیاں کرن لئی صدر تے میری بہت لاہے وند گل بات ہوئی ہے۔ دوہاں ملکاں دے سانگیاں وچ بہتری تے میں بہت خوش آں ''۔

ہندوستانی کمپنیاں ولوں غیر ملکی سرمایا کاری نوں عام طور تے ہندوستان ولوں اپنا اثر ودھاؤڻ دی کوشش متھیا جاندا ہے، پر ایہناں کمپنیاں موجب ایہدا کارن ایشیا دی ایس تیجی وڈی معاشی طاقت وچ سرمایا کاری لئی چنگے حالات نیں۔

ہیریسنز ملیالم کمپنی دے منیجنگ ڈائریکٹر پنکج کپور موجب ہندوستان وچ زرعی زمین بہت گھٹ ہے تے جو ملدا ہے اوہنوں پاؤڻ لئی مقابلہ بازی بہت ہے۔ اوہناں موجب ایہو کارن ہے جو انج دیاں کمپنیاں ہُڻ افریقہ ول منہ کر رہیاں نیں جتھے انج دی زمین ملدی وی ہے تے کجھ سستی وی۔

ایس سال جنوری وچ ہندوستانی مرکزی بینک دے کجھ گذریل گورنراں تے اہم صنعت کاراں دے 14 بندیاں دے اک جتھے نے حکومت دے ناں اک کھلی چٹھی وچ خبردار کیتا سی پئی بے ایمانی تے بھیڑے پربندھ ہندوستانی ترقی دی راہ وچ ڈکا ہے۔ ایہناں حالاں وچ ہندوستان دے تگڑے سرمایا کار ملک توں باہر سرمایا کاری دا ارادہ کررہے نیں۔ ماہراں موجب ایہہ حالات ہندوستان دی ترقی دی راہ وچ اڑیچ بڻ سکدے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels