Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> 495 ارب روپئے دا راکھی دا بجٹ منظور نون لیگ ولوں فوج دے کاروبار دی نکھیدی

495 ارب روپئے دا راکھی دا بجٹ منظور نون لیگ ولوں فوج دے کاروبار دی نکھیدی

وچار ڈیسک
June 19th, 2011

قومی اسمبلی نے ہفتے نوں بحث دے مگروں 495 ارب روپئے دے راکھی دے بجٹ دی منظوری دے دتی۔ اپوزیشن دیاں کٹوتی دیاں ساریاں تحریکاں رد دتیاں گئیاں۔ اپوزیشن مسلم لیگ نون دے رکناں نے اُچ پدھری فوجی پربندھیاں دی نکھیدی کردیاں ہوئیاں راکھی دے بجٹ دیاں تفصیلاں پارلیمنٹ دے ساہمڻے رکھڻ دی منگ کیتی ہے۔

اپوزیشن نے فوج ولوں ڈی ایچ اے، میرج ہالز، دفاعی خریداری تے ہور کاروبار دی نکھیدی کردیاں ہوئیاں کہیا پئی دنیا دے کسے ملک دی مسلح فوج کاروبار نہیں کردی۔

مسلم لیگی رکناں نے مسلح فوجاں ولوں مارشل لا لاؤڻ ، حکومت کرڻ تے سیاسی جماعتاں دی ونڈھ تے بنتر نوں ملک دے اجوکے پھردول دا کارن آکھیا۔

رکناں دا کہڻا سی پئی مہران ائیر بیس دی راکھی نہیں کرسکدے تے نیول چیف نوں بلٹ پروف گڈیاں لے کے پھرڻ دا وی حق نہیں ہے۔

پچھلے دیہاڑے قومی اسمبلی وچ مسلم لیگ نون دے احسن اقبال، سردار مہتاب عباسی، واجد اسد، تے بیگم عشرت اشرف تے ہوراں نے راکھی دے بجٹ وچ وادھے دے خلاف تے ڈیفنس ڈویژن دیاں منگاں زر تے کٹوتی دیاں ویہہ تحریکاں پیش کیتیاں۔ سردار مہتاب خان عباسی نے کہیا پاک فوج دے جنرل ریٹائرڈ ہوندے نیں تے اوہناں نوں ویہہ توں پنجاہ کروڑ روپئے دتے جاندے نیں۔ چوداں اگست تے تئی مارچ نوں تمغے کیہڑی خوشی وچ دتے جاندے نیں۔ راکھی دے خرچیاں تے بحث ہوڻی چاہی دی ہے۔ اسلام آباد وچ جی ایچ کیو بڻاؤن دا منصوبہ چھڈیا جاوے۔ ایتھے پہلوں ہی ائیر تے نیول ہیڈ کوارٹر موجود نیں جتھے سول لوک نہیں جاسکدے۔ اک شہر وچ تن فوجی ہیڈکوارٹرز بڻڻا صحیح نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels