Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> حکومت دے 3سال: غریباں دی گڻتی پونے 5 کروڑ توں ودھ کے سوا 7 کروڑ ہو گئی

حکومت دے 3سال: غریباں دی گڻتی پونے 5 کروڑ توں ودھ کے سوا 7 کروڑ ہو گئی

وچار ڈیسک
June 13th, 2011

حکومت ملک وچ غریبی دی دُر تے گڻتی دسڻ توں جھک رہی ہے ایس جھاکے دے حکومت کول کئی کارن نیں۔ پنجھی مارچ 2008 نوں جدوں وزیر اعظم یوسف رضا گیلانی نے سوں چکی پاکستان وچ 47.1ملین بندے بہت ہی غریبی دی حیاتی لنگھا رہے سی تے 3 سالاں وچ کوئی25 ہزار پاکستانی اوسطاََ بہت غریبی دا شکار ہوئے نیں۔ غریبی دی حیاتی لنگھاؤڻ والے بندیاں دی گڻتی ہڻ 72.9 ملین ہو گئی ہے جیہدا مطلب ہے جو اجوکی حکومت دے تن سالاں وچ 25.7 ملین غریباں دی گڻتی ودھی ہے۔

ملک وچ ایس ویلے 72.9 ملین جی یعنی کل آبادی دا 41.2 فیصد اپنی آمدڻ دا 70 فیصد خوراک تے خرچ کردے نیں۔ سرکاری ادارے وفاقی ادارہ برائے شماریات موجب پچھلے تن سالاں وچ شکر دا مُل152 فیصد ، ماواں دی دال 122 فیصد، گوشت 88 فیصد ددھ 86 فیصد تے کڻک 46 فیصد مہنگی ہوئی ہے۔

2008-9 وچ پاکستان وچ خوراک دی مہنگائی 26.6 فیصد سی 2008-2011 وچ ایہہ دُر بہت ہی خطرناک حد یعنی 57 فیصد تے اپڑ گئی کسے نوں چنتا نہیں ہے پئی غریبی دی لیک تے حیاتی لنگھاؤڻ والیاں دی دُر 2008 وچ 28.4 فیصد، 2011 وچ ودھ کے 41.2 فیصد ہو گئی ہے حالانکہ 2000 وچ پاکستان نے ملینیم ڈیکلریشن تے دستخط کیتے سی جیہدے وچ وعدہ کیتا گیا سی '' پاکستان نے ایکا کیتا ہے پئی ملک وچ غریبی دی دُر 26.1 فیصد توں گھٹا کے 2015 تیکر 13 فیصد کرڻ لئی ہر قسم دی کاروائی کیتی جاوے گی پر پاکستان ہر کاروائی غریبی ودھاؤن وچ ورت رہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels