Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> قومی خزانے چوں 35 ارب روپئے خرد برد کیتے گئے : آڈیٹر جنرل دی رپورٹ

قومی خزانے چوں 35 ارب روپئے خرد برد کیتے گئے : آڈیٹر جنرل دی رپورٹ

وچار ڈیسک
June 9th, 2011

آڈیٹر جنرل آف پاکستان دی وفاقی وزارتاں تے شعبیاں دے خرچیاں بارے نویں رپورٹ توں پتہ لگیا ہے پئی قومی خزانے چوں 35 ارب روپئے خرد برد کیتے گئے یاں بے قاعدگی نال خرچ کیتے گئے یاں فیر ایس رقم دا سرکاری ریکارڈ ہی غائب ہے تے گذریل وفاقی وزیر قانون بابر اعوان نے ارباں روپئے اختیار توں اُتے ہو کے بار کونسلاں نوں دے دتے ۔ آڈیٹر جنرل دی رپورٹ دے مگروں وزیر اعظم سیکرٹریٹ نے '' چیریٹیز اینڈ پریڈنٹس '' اکاؤنٹ ہیٹھ ملازماں نوں ناشتہ کراؤڻ، دوپہر دا کھاڻا کھواؤن ، دعوت دیڻ تے چاء پلاؤڻ توں روک دتا گیا۔ انج دے خرچیاں لئی وکھرا اکاؤنٹ بڻا دتا گیا۔

اُچیچی گل ایہہ ہے جو آڈیٹر جنرل آف پاکستان نے بابر اعوان ولوں سارے پاکستان دیاں وکیلاں دیاں ایسوسی ایشناں نوں 23 کروڑ 64 لکھ توں بہتی رقم دی اختیار توں باہر ہو کے ادائیگی تے اعتراض کیتا ہے۔ رپورٹ وچ وزارتاں تے محکمیاں تے زور دتا گیا ہے جو اوہ فضول خرچی تے نقصاناں دی ذمے واری نوں متھڻ لئی پڻ چھاڻ کراؤڻ۔ رپورٹ وچ گیاراں کیسز انج دے نیں جیہناں وچ دو ارب 40 کروڑ 77 لکھ توں بہتا غبن کیتا گیا ہے۔27 کیساں وچ رقم دے بے قاعدہ خرچ یاں ادائیگیاں تے قانوناں دی خلاف ورزی کیتی گئی ہے تے ایہناں کیساں وچ 6 ارب 9 کروڑ 86 لکھ روپئے خرد برد کیتے گئے نیں۔

رپورٹ وچ تن مثالاں اجیاں وی نیں جیہناں دا ریکارڈ وی موجود نہیں تے غبن دی رقم اک ارب 35 کروڑ9 لکھ روپئے ہے۔ رپورٹ وچ کہیا گیا ہے 17 کیس انج دے نیں جیہناں وچ مالی کنٹرول کمزور ہے تے اوہناں وچ 9 ارب 53 کروڑ 82 لکھ دی ہیرا پھیری کیتی گئی ہے۔ ہور 38 کیسز انج دے نیں جیہناں وچ 11 ارب 94 کروڑ96 لکھ روپئے دا غبن کیتا گیا ہے تے 6 کیساں وچ اثاثیاں دے پربندھ غیر محفوظ نیں تے اوہناں وچ خرد برد دی رقم اک ارب 34 کروڑ25 لکھ ہے۔
رپورٹ وچ کہیا گیا ہے جو وفاقی وزارتاں تے محکمیاں نوں آرٹیکل 78 تے سختی نال عمل کرڻا چاہی دا۔ اوہ عوامی رقم وصول یاں خرچ کرڻ۔ اوہناں نوں عوامی رقم '' فیڈرل کونسولیڈیٹڈ فنڈ '' تے پبلک اکاؤنٹس وچ رکھڻی چاہی دی ہے۔ کمرشل بینکاں وچ رقم رکھڻ توں سختی نال روکیا گیا ہے کیوں جو ایہہ اصول دی خلاف ورزی ہے۔ پر رپورٹ وچ کہیا گیا ہے جو آڈیٹر جنرل آف پاکستان نوں دتے گئے اجوکے ریکارڈ دی تصدیق جاری ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels