Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاکستان بڻن توں ہڻ تیکر 64 بجٹ، صرف 12 سر پلس رہے

پاکستان بڻن توں ہڻ تیکر 64 بجٹ، صرف 12 سر پلس رہے

وچار ڈیسک
June 4th, 2011

پاکستان دے بڻن توں مگروں ہڻ تیکر 1948 توں 2011 تیکر 64 بجٹ پیش ہوئے، صرف 12 سر پلس رہے۔ سر پلس بجٹ 1948 توں 1960 وچکار پیش ہوئے۔ 1960 دے مگروں کوئی بجٹ سر پلس نہیں سی۔ 1948 توں 2011 تیکر 64 بجٹ 21 وزیر خزانہ نے پیش کیتے پر 4 بجٹ عمر ایوب تے حنا ربانی کھر نے وی پیش کیتے جیہڑے وزیر خزانہ نہیں سگوں وزیر مملکت برائے خزانہ سی۔

عمر ایوب نے 2005، 2006، 2007 دے بجٹ پیش کیتے جدوں کہ حنا کھر نے 2009 دا بجٹ قومی اسمبلی وچ پیش کیتا سی۔سوادی گل ایہہ ہے جو 64 وچوں 32 بجٹ یعنی 50 فیصد بجٹ چار فوجی حکمراناں دے وارہیاں وچ پیش ہوئے۔

جنرل ضیاء الحق دے وارہے وچ گیاراں بجٹ ایوب خان دے وارہے وچ دس بجٹ جنرل یحیٰ دے وارہے وچ تن بجٹ تے جنرل مشرف دے دوروچ اٹھ بجٹ پیش کیتے گئے۔بجٹ پیش کرن والے 21 وزیر خزانہ وچوں ملک غلام محمد پاکستان دے گورنر جنرل جدوں کہ غلام اسحاق خان تے صدر بڻن وچ کامیاب ہوئے۔

چودھری محمد علی تے شوکت عزیر مگروں ملک دے وزیر اعظم بنے۔وزیر خزانہ چودھری محمد علی تے شوکت عزیز دی راکھی وچ اٹھ بجٹ بڻے۔ غلام اسحاق خان نے ست ، سرتاج عزیز نے پنج تے چودھری محمد علی نے چار بجٹ پیش کیتے۔ وزیر خزانہ غلام محمد، سید امجد علی ، ڈاکٹر مبشر حسن مخدوم شہاب الدین نے تن تن بجٹ، این ایم اقیلی، نواب مظفر علی خان، قزلباس، بیرسڑ رانا محمد حنیف خان، ڈاکٹر عبدالحفیظ شیخ، ڈاکٹر محبوب الحق، یاسین وٹو تے احسان الحق پراچہ نے دو ،دو بجٹ پیش کیتے۔

تاریخ موجب پاکستان دا پہلا بجٹ 28 فروری 1948 نوں دس کروڑ 21 لکھ روپئے دے گھاٹے دے نال پیش ہویا۔ آمدڻ دا تخمینہ 79 کروڑ 57 لکھ روپئے جدوں کہ خرچے 89 کروڑ 68 لکھ روپئے سی۔ دوجا بجٹ 99 لکھ روپئے سر پلس سی۔ پہلا تے دوجا بجٹ وزیر خزانہ ملک غلام محمد نے وزیر اعظم لیاقت علی خان دے دور وچ پیش کیتا سی۔ دوجے بجٹ دا حجم اک ارب 11 کروڑ 20 لکھ روپئے سی تے ایہہ بجٹ وی 28 فروری نوں ہی پیش کیتا گیا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels