Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> پاکستان بجٹ خسارہ: نوٹ چھاپے جاسکدے نیں : وال اسٹریٹ جرنل

پاکستان بجٹ خسارہ: نوٹ چھاپے جاسکدے نیں : وال اسٹریٹ جرنل

وچار ڈیسک
June 3rd, 2011

' وال اسٹریٹ جنرل ' دی رپورٹ ہے جو پاکستان دے اگلے سال دا بجٹ آرہیا ہے تے چنتا ایہہ ہے پئی حکومت بجٹ دا گھاٹا پورا کرڻ لئی امیراں تے ٹیکس لا کے آمدن ودھاؤن دی تھاں نوٹ چھاپڻ تے گذارہ کرے گی جیہدے پاروں روپئے دے کھلار وچ وادھا ہورہیا ہے تے معیشت روزگار دے بہتے موقعے پیدا نہیں کررہی ہے۔

اخبار کہندا ہے جو عالمی بینک نے پچھلے سال توں پاکستان نوں ساڈھے تن ارب ڈالر دی ادائیگی روکی ہوئی ہے جیہڑی پاکستان لئی 11.3 ارب ڈالر دی چھیکڑلی قسط ہے۔ کارن اہدا ایہو ہے جو پاکستان نے اپنے بجٹ خسارے نوں گھٹاؤڻ لئی کرڑے فیصلے نہیں کیتے۔

عالمی بینک تے ایشیائی ترقیاتی بینک نے وی بجٹ لئی اک ارب ڈالر دی رقم روکی ہوئی ہے۔

اخبار کہندا ہے پئی پاکستان نے بہت امیر لوکاں تے ٹیکس نہ لا کے قرضیاں تے گذارہ کر رہیا ہے۔ ایہدے بجٹ دا اک چوتھائی پرانے قرضیاں تے سود بھرڻ تے لگ جاندا ہے جیہدا مطلب ایہہ ہے جو صحت عامہ تے تعلیم لئی گھٹ پیسہ خرچ ہوندا ہے۔

حکومت نے بجٹ خسارہ پورا کرڻ لئی نوٹ چھاپڻ تے کم چلاؤڻا ہے۔ ایس مالی سال لئی اوہدا تخمینہ کل قومی پیداوار دا چھ فیصد ہے۔ انج کرڻ نال حکومت نے روپئے دے کھلار نوں تیراں فیصد ودھڻ دتا ہے۔ ایہدے نال پیدا ہوئی صورتحال پاروں پرائیویٹ کاروباری میل نوں بینک قرضے لیڻ وچ اوکڑ ہوندی ہے۔

باہرلے سرمایا کار پہلوں ہی پاکستان دی سیکورٹی دی صورت حال پاروں جھک رہے نیں تے گھٹ ہی ایدھر دا پاسا کردے نیں۔ ایس لئی ملک دی ' شرح نمو ' سکڑ رہی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels