Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> ہندوستان کاروبار لئی سب توں چنگے ملکاں وچ رلتی

ہندوستان کاروبار لئی سب توں چنگے ملکاں وچ رلتی

وچار ڈیسک
May 27th, 2011

بی بی سی دے اک سروے موجب نویں کاروبار لئی چنگا ماحول دیڻ دے حساب نال دنیا دے چنگے ملکاں وچ انڈونیشیا پہلے تے ہندوستان چوتھے نمبر تے ہے۔

ایس سروے موجب چنگیاں سوکھتاں لئی امریکہ، کینیڈا، تے آسٹریلیا دوجے تیجے تے پنجویں نمبر تے نیں۔ ایہدے توں الٹ کولمبیا، مصر، ترکی، اٹلی، تے روس انج دے ملک نیں جتھے کاروبار تے صنعت وچ سرمایاکاری لئی ماحول چنگا نہیں ہے۔

اس سروے لئی سارے جگ دے کئی ملکاں دے 24 ہزار توں بہتے بندیاں نال رابطہ کیتا گیا۔ سروے وچ نواں کاروبار شروع کرن بارے ماحول تے نت نویں خیالاں بارے پچھیا گیا پئی کیہ اوہناں دے ملک وچ ایہدی قدر کیتی جاندی ہے۔

نواں کاروبار شروع کرنا کِتے بہتا اوکھا تے نہیں ہے تے اوہ لوک جیہڑے انج کردے نیں کیہ اوہناں دی قدر کیتی جاندی ہے۔ تے کیہ اوہ لوک جیہناں دے کول چنگی فکر ہے اوہ ایہنوں چلا سکدے نیں یاں نہیں۔ایہناں سارے سوالاں دے جواب وچ انڈونیشیا بارے سب توں بہتیاں چنگیاں گلاں ساہمڻے آئیاں تے وپار لئی ایہنوں سب توں بہت چنگا آکھیا گیا۔

ایہدے مگروں امریکہ، کینیڈا، انڈیا، تے آسٹریلیا دا ناں آؤندا ہے۔سارے ترقی کیتے ملکاں دے نتیجے واہوا چنگے سی پر حیرانی دے طور تے اٹلی ایہدے وچ بہت پچھے ہے۔

ترقی وچ پچھونہے ملکاں وچ وی ہُڻ کئی انج دے ملک نیں جیہڑے نویں کاروبار لئی چنگے منے جاندے نیں۔ ایہدے وچ ہندوستان سارے جگ وچ چوتھے نمبر تے ابھریا ہے جدوں کہ چین تے نائجیریا وی وپار لئی پسندیدہ ملک سمجھے جاندے نیں۔

ایس سروے وچ ایہہ گل ساہمڻے کھل کے نہیں آئی پئی اخیر لوکاں وچ انج دے خیال کیویں پیدا ہوئے تے کئی خیال تے پہلوں توں منے ہوئے نظریئے تے بڻے نیں ۔

جیویں امریکہ بارے ایہہ گل کھل کے ساہمڻے آئی پئی اوتھے نجی سیکٹر دے کلچر دا بہتا چلن ہے تے ملک وپار لئی چنگا منیا جاندا ہے۔ انڈونیشیا نوں پچاسی فیصد، برازیل نوں چرونجاہ فیصد تے ہندوستان نوں ستاٹھ فیصد لوک وپار لئی چنگی تھاں من دے نیں۔

پر کئی ماہر انج دے سوال چکدے نیں پئی ہندوستان ورگے ملک وچ، جتھے بے ایمان تے وڈھی چیرے دا راج ہے انج دے سٹے کیویں آ سکدے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels