Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> 4 سال وچ ملکی قرضہ 129 فیصد ودھ گیا، ہر شہری 60 ہزار دا قرض دار

4 سال وچ ملکی قرضہ 129 فیصد ودھ گیا، ہر شہری 60 ہزار دا قرض دار

وچار ڈیسک
May 23rd, 2011

دی نیوز نوں ملی خزانے دی وزارت دی بڻائی گئی رپورٹ توں بھیت کھلیا ہے پئی پاکستانی لوکاں تے قرضا 30 جون 2007ء دے 4.8 کھرب روپئے توں 2011 وچ خطرناک طور تے 129 فیصد وادھے دے نال 11 کھرب روپئے توں بہتا ہو گیا ہے۔ جیہدا مطلب ہے جو ہر پاکستانی یاں 2011 وچ پیدا ہوڻ والا بال 60 ہزار روپئے دا مقروض ہے۔

اگلے مہینے جون دے پہلے ہفتے بجٹ توں پہلوں جدوں اقتصادی سروے جاری ہووے گا تے غریب لوکاں تے قرضا ہور ودھ جاوے گا۔ 2007 تے 2011 وچکار ایکسچینج ریٹ دی کمی نے وی قرضے وچ وادھے دی تباہی دا کردار ادا کیتا صرف ایکسچینج ریٹ پاروں قرض 1200 ارب روپئے ودھ گیا۔ یعنی 2007 توں پاکستانی کرنسی دی وڈی پدھر تے وگڑدی ہوئی صورتحال دا قرضے دا بھار ودھڻ وچ 20 فیصد کردار ہے جیہڑا 129 فیصد توں ودھ چکیا ہے۔

پربندھیاں نے دسیا پئی 30 جون 2007 نوں یعنی 60 سالاں دا پاکستان دا قرضہ 4.8 کھرب روپئے سی پر اگلے 4 سالاں وچ 6.2 کھرب ٹریلین روپئے وادھے دے نال 11 کھرب توں ودھ گیا جیہدے نال اجوکی حکومت دے اقتصادی وڈیاں دی مالی بد انتظامی ظاہر ہوندی ہے۔

پاکستانی روپئے دی کالھی نال خراب ہوندی ہوئی صورتحال دا ناں لیندیاں ہوئیاں پربندھیاں نے کہیا پئی روپئے تے ڈالر دا تناسب 2007 وچ ترتیب وار 60:01 سی جیہڑا روپئے دی قدر وچ گھاٹ پاروں 2011 وچ 86:1 ہو گیا ہے تے ایسے عنصر پاروں قرض وچ 1.2 کھرب روپئے دا وادھا ہو گیا ہے۔سٹیٹ بینک آف پاکستان موجب پاکستان دا باہرلا قرضہ 2007 دے 40 ارب ڈالر توں 45 فیصد ودھ کے 59 ارب ڈالر تے اپڑ گیا ہے۔

اجوکی حکومت دے اکنامک منیجرز نے بجٹ خسارے لئی اندرونی قرضے لئے جیہدے نال 2007 دے 2.5 کھرب روپئے دے اندرونی قرضے 132 فیصد وادھے دے نال 5.8 کھرب روپئے ہوئے نیں۔ جدوں توں پیپلز پارٹی دے سیاڻے اکنامک منیجرز نے آئی ایم ایف پروگرام توں رجوع کرن دا فیصلہ کیتا، پاکستان دی قرضیاں دی صورتحال کئی گڻا مندی ہو گئی ہے۔ پاکستان 11.3 ارب ڈالر دے سٹینڈبائی پربندھ ہیٹھ آئی ایم ایف توں 7.3 ارب ڈالر لے چکیا ہے جدوں کہ ایہہ قرض اُکا زرمبادلہ دے ذخیریاں نوں مضبوط کرن تے ادائیگیاں دے توازن لئی ورتیا گیا کیوں جو ایہنوں بجٹری سپورٹ یاں ترقیاتی بجٹ وچ ورتیا نہیں جاسکدا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels