Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> قومی اسمبلی: پاکستان تے غیر ملکی قرضہ 57 ارب 96 کروڑ ڈالر توں ودھ گیا:وفاقی وزیر خزانہ

قومی اسمبلی: پاکستان تے غیر ملکی قرضہ 57 ارب 96 کروڑ ڈالر توں ودھ گیا:وفاقی وزیر خزانہ

وچار ڈیسک
April 16th, 2011

خزانے دے وفاقی وزیر عبدالحفیظ شیخ نے دسیا ہے جو پاکستان تے غیر ملکی قرض 57 ارب 96 کروڑ ڈالر توں ودھ گیا ہے۔ جدوں کہ پانی دے وفاقی وزیر نوید قمر نے کہیا ہے جو لوڈ شیڈنگ مکا سکنے آں نہ ایس سلسلے وچ کوئی ڈیڈ لائن دے سکنے آں پر ایس سال لوڈ شیڈنگ گھٹ ہووے گی۔

جمعے نوں قومی اسمبلی وچ خالدہ منصور دے سوال دے لکھے ہوئے جواب وچ خزانے دے وزیر ڈاکٹر عبدالحفیظ شیخ نے کہیا 28 فروری 2011 موجب پاکستان دے ذمے کل 57 ارب 96 کروڑ 80 لکھ ڈالرز دے غیر ملکی قرضے نیں۔ اوہناں نے دسیا پئی غیر ملکی قرضیاں وچ اے ڈی بی دا 12 ارب 21 کروڑ ڈالرز، آئی ڈی اے 10 ارب 66 کروڑ ڈالرز، آئی بی آر ڈی اک ارب 67 کروڑ ڈالرز، پیرس کلب ملک پندراں ارب دس کروڑ ڈالرز فرانس دو ارب تئی کروڑ ڈالرز، جرمنی اک ارب چھیاسی کروڑ ڈالرز جاپان، ست ارب چھیاٹھ کروڑ ڈالرز امریکہ اک ارب اُنجاہ کروڑ ڈالرز، غیر پیرس ملک دو ارب پچونجاہ کروڑ ڈالرز، چین دو ارب ڈالرز، بانڈز اک ارب بونجاہ کروڑ ڈالرز یورو بانڈ اک ارب پچونجاہ کروڑ ڈالرز پرائیویٹ سیکٹر قرضہ تن ارب تئی کروڑ ڈالرز تے آئی ایم این دا اٹھ ارب اٹھاسی کروڑ ڈالرز دا قرضہ ادا کرنا ہے۔

ایس توں اڈ پانی بجلی دے وفاقی وزیر سید نوید قمر نے کہیا ہے تربیلا ڈیم دے چوداں پیداواری یونٹاں وچوں کئی پانی دی تھوڑ پاروں بند نیں ڈیم ڈیڈ لیول تے ہے۔ کل پیداواری خوبی 3478 میگا واٹ ہے، جدوں ڈیم وچ پانی دی پدھر تسلی بخش ہووے گی تے ہور یونٹس وی کم شروع کردیڻ گے۔ سوالاں دے وقفے وچ ماروی میمن دے سوال دے جواب وچ ڈاکٹر فردوس عاشق اعوان نے دسیا پئی پاکستان ایس ویلے وڈے معاشی مسئلیاں وچ پھسیا ہے پاکستان نے دنیا نوں دسیا ہے پئی پاکستان نوں وپار دی لوڑ ہے پاکستان نے اپنی چنگی پالیسی پاروں یورپ وچ اپنے وپار دا حجم ودھایا ہے حکومت امریکا توں اقتصادی فیدے چاہوندی ہے تے ایس حوالے نال گل بات جاری ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels