Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> چین اتے ہندوستان دی اقتصادی دوڑ وچ گوادر اتے چابہار دی اچیچتا

چین اتے ہندوستان دی اقتصادی دوڑ وچ گوادر اتے چابہار دی اچیچتا

وچار ڈیسک
March 26th, 2011

چین اتے ہندوستان آپڻی معاشی ترقی دی چال نوں توری رکھڻ لئی وسیلیاں دی کھوج وچ لگے رہندے ہیڻ۔ ایس کھوج دا دائرہ ساری دنیا وچ کھلر رہیا ہے جدوں کہ ایہناں جتناں وچ جتڻ دا سانگا دو بندرگاہواں نال جوڑیا جا رہیا ہے۔

چین اتے ہندوستان دی تیز معیشت دا پہیہ گھمدا رہے، ایہدے لئی اوہناں نوں کھلے وسیلے لوڑیندے ہیڻ۔ ایہو کارن ہے پئی دنیا دی سب توں طاقتور معاشی طاقت دا ٹھپہ آپڻے اُتے لواؤڻ لئی دوڑ ایہناں دوہاں دیساں وچکار لگی ہے۔ ہن ایس دوڑ وچ جتدا کوڻ ہے ایہدا سانگا ایران اتے پاکستان دیاں دو بندرگاہواں دے نال ہے۔

ہندوستان ایران دی دکھڻی لہندی بندرگاہ چابہار راہیں گبھلے ایشیاء اتے افغانستان تیکر پہنچ دی آس رکھدا ہے۔ ایہہ بندرگاہ پاکستان دی ڈونگھے پاڻی دی بندرگاہ گوادر توں اُکا 72 کلومیٹر دے پینڈے تے ہے۔

گوادر دی بندرگاہ چین نے آپڻیاں توانائی دیاں لوڑاں نوں پورا کرن لئی بڻائی ہے۔ ایس طرحاں ہندوستان چابہار اتے چین گوادر راہیں افریقہ، لاطینی امریکا اتے افغانستان نال اقتصادی معاہدے کرنا چاہوندا ہے۔

ایس حوالے نال آسٹریلیا دے لووی انسٹیٹوٹ وچ عالمی سلامتی دے معاملیاں دے سیاڻے روری میڈکاف نے آکھیا ہے پئی ایہناں بندرگاہواں راہیں چین اتے ہندوستان آپڻے لابھاں دا کھلار ودھاؤڻا چاہوندے ہیڻ، وپار اتے باہرلیاں منڈیاں تیکر پہنچ دے موقعے ودھاؤڻا چاہوندے ہیڻ۔

دوجے پاسے ایہناں دوہاں بندرگاہواں نوں چنگا بناؤڻ بارے چین اتے ہندوستان نوں پاکستان اتے ایران وچ علاقائی پدھر تے مندے حالاں دا ساہمڻا ہے۔ پچھلے کئی ورھیاں توں ہندوستانی پربندھی ایہہ آکھدے آ رہے ہیڻ پئی اوہ چابہار دی بندرگاہ تے وادھو سوکھتاں دیڻ لئی ایرانی پربندھکاں تے زور دیندے رہندے ہیڻ تاں جے ایس بندرگاہ نوں وپاری مرکز بڻایا جا سکے۔

ایہہ بندرگاہ چل تاں رہی ہے پر ایہدی گنجائش 25 لکھ ٹن سالانہ ہے جدوں کہ ایہدے لئی اک کروڑ 20 لکھ ٹن سالانہ دا ٹیچا متھیا گیا ہے۔ ہندوستان امریکی دباء دے مگروں وی ایرانی بندرگاہ نوں ودھاؤڻا چاہوندا ہے جیہدا کارن چین ولوں پاکستانی صوبے بلوچستان وچ بڻائی گئی گوادر دی بندرگاہ ہے۔

بیجنگ سرکار نے ایس بندرگاہ لئی 248 ملین ڈالر دے مڈھلے ترقیاتی خرچیاں دا 80 فیصد دتا ہے۔ ایس بندرگاہ راہیں چین نوں آپڻیاں توانائی دیاں لوڑاں لئی تیل دی رسد لیڻ وچ سوکھت ہو جاوے گی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels