Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> معیشت تے بیوپار >> ہندوستان وچ مڈل کلاس دی خوشحالی وچ وادھا

ہندوستان وچ مڈل کلاس دی خوشحالی وچ وادھا

وچار ڈیسک
March 3rd, 2011

ہندوستان دے وڈے کاراں بناؤڻ والے اداریاں نے پچھلے مہینے وچ بڑا کاروبار کیتا۔ ایس کاروباری تیزی نوں ہندوستان وچ مڈل کلاس دی خوشحالی وچ وادھے دے ثبوت دے طور تے ویکھیا جا رہیا ہے۔

دنیا دی سب توں سستی موٹر گڈی بناؤڻ دا دعویٰ کرن والی ٹاٹا کمپنی دی وکری وچ سو فیصد وادھا ویکھیا گیا۔ لکھ ٹکیہ کار دے ناں توں مشہور ٹاٹا کمپنی دی گڈی نینو دی قیمت سوا لکھ ہندوستانی روپئے توں شروع ہوندی ہے۔

2009 وچ ساہمڻے لیاندی گئی 'دنیا دی سب توں سستی گڈی' دے ایس سال اک مہینے وچ 8 ہزار توں بہتے یونٹ وکے، جیہڑے پچھلے سال ایسے چر وچ وکڻ والیاں انج دیاں گڈیاں دی گڻتی دے مقابلے وچ 101 فیصد بہتی ہے۔

ہندوستان وچ مسافر گڈیاں بناؤڻ والی سب توں وڈی کمپنی سوزوکی، جیہڑی جاپانی ملکیت ہے، نے 1 لکھ توں بہتے یونٹ ویچے۔ایس پکھوں ماروتی سوزوکیی برانڈ دی سیل وچ 15.5 فیصد وادھا ہویا ہے۔ امریکی کمپنی فورڈ دے ادارے فورڈ انڈیا نے سیل وچ 200 فیصد وادھا ظاہر کیتا ہے۔

فورڈ انڈیا دے ماڈل فیگو نوں سب توں بہتا پسند کیتا گیا، جیہدے نیڑے تیڑے 10 ہزار یونٹ وکے۔ اک مقامی کارساز ادارے مہمندرا اینڈ مہندرا نے وی آپڻیاں گڈیاں دی سیل وچ 20 فیصد وادھے دی اطلاع دتی ہے۔

بھاویں کئی نوکری کرن والے ہندوستانی شہری ٹاٹا نینو نوں آپڻی پرائیویٹ سواری دے طور تے اپنا چکے نیں پر مقبولیت دے حساب نال ایہہ گڈی ہڻ وی ماروتی آلٹو توں پچھے ہے۔ وچلے میل لئی نینو بناؤڻ والی ہندوستانی کمپنی ٹاٹا موٹرز ہیٹھ امیراں لئی برطانوی گڈیاں Jaguar تے Land Rover وی منگوائیاں جاندیاں نیں۔ ایس حساب نال ٹاٹا کمپنی دی سیلز وچ کل 18 فیصد دا وادھا ہویا ہے۔

ایہناں گڈیاں توں اڈ مسافر تے کمرشل گڈیاں دی سیل نال وی ہندوستان وچ اقتصادی خوشحالی دا گویڑ لایا جاسکدا ہے۔ کجھ تجزیہ کاراں دے خیال وچ فروری توں پہلوں موٹر گڈیاں دی سیل وچ وادھے دا اک کارن بجٹ وچ ٹیکس وادھے دے خطرے وی سی۔ پر ملکی وزیر خزانہ پرناب مکھرجی نے جیہڑا بجٹ پیش کیتا ہے ایہدے وچ گڈیاں تے ایکسائز ٹیکس وچ کوئی بدلی نہیں کیتی۔

ہڻ وی ہندوستان دی شہری آبادی وچ ہر 10 وچوں 1 جدوں کہ پنڈاں تھاواں وچ ہر 50 وچوں 1 گھر وچ گڈی ہے۔ ایسے لئی گڈیاں بناؤڻ والی وڈی بین الاقوامی کمپنیاں ہندوستان نوں بھلک دی اک وڈی منڈی دے طور تے ویکھ رہیاں نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels